![केन्द्रले सार्वजनिक गर्यो अवधारणा](https://media.edusanjal.com/__sized__/news_headers/Center-for-Education-and-HR-Development-thumbnail-1000x525-70_q3YwRSu-crop-c0-5__0-5-300x180-70.jpg)
नेपाल शिक्षक महासंघले आगामी असोज तीन गतेदेखि सडक आन्दोलन गर्ने कार्यक्रम सार्वजनिक गरेको छ । संसदमा दर्ता भएको ‘विद्यालय शिक्षा विधेयक, २०८०’ विरुद्ध महासंघ सडक आन्दोलनमा उत्रने भएको हो ।
महासंघले विद्यालय कर्मचारी र शिक्षकको माग मुद्दालाई सम्बोधन नगरेको भन्दै आन्दोलनको घोषणा गरेको महासंघले जारी गरेको विज्ञप्तिमा उल्लेख गरेको छ ।
विज्ञप्तिमा संविधान प्रदत्त ट्रेड युनियन अधिकार माथि अंकुश लगाउन खोजेको आरोप महासंघले लगाएको छ । असोज तीन गतेदेखि विद्यालय बन्दगरी काठमाडौं आउन शिक्षक कर्मचारीलाई महासंघले निर्देशन दिएको छ ।
नेपाल सरकारले २०८० भाद्र २७ गते विद्यालय शिक्षा सम्बन्धी कानूनलाई संशोधन र एकीकरण गर्न बनेको विधेयक २०८० संसद सचिवालयमा दर्ता गराएको छ ।