काठमाडौं,टेक्सास कलेज अफ मेनेजमेन्ट र टेक्सास इन्टरनेशनल कलेजको आयोजनामा ‘द लाइटहाउस फर यूवर फ्यूचर’ नाराका साथ टेक्सास मेनेजमेन्ट एण्ड आइटी करिअर फेयर(२०१९) सम्पन्न भएको छ ।
टेक्सास कलेज अफ मेनेजमेन्ट र टेक्सास इन्टरनेशनल कलेजको व्यवस्थापनमा भएको यो फेयरमा पच्चीस भन्दा बढी कर्पोरेट हाउसको उपस्थिति रहेको थियो । फेयरमा अन्य कलेजका विद्यार्थि हरु पनि सहभागि रहेका थिए ।
प्रमुख अतिथि नेपालि काङ्ग्रेसमा यूवा नेता तथा छाया सरकारका शिक्षा मन्त्रि गगन थापा रहनुभएको थियो ।
प्रमुख अतिथि रहनुभएका थापाले टेक्सास मेनेजमेन्ट एण्ड आइटी करिअर फेयर भिजिट गर्नुभएको थियो । यस्तो फेयरले विद्यार्थिको दक्षता र क्षमताको आधारमा कर्पोरेट हाउस संग को सम्बन्ध वलियो रहने पनि थापाले बताउनुभयो ।
प्रत्येक बर्ष हुने टेक्सास मेनेजमेन्ट एण्ड आइटी करिअर फेयर भन्दा यो वर्ष भएको फेयर फरक तरिकाले भएको छ । विगतका बर्षहरुमा मेरो जब डट कम, प्लस जब डट कम लगाएतका संस्थाहरु संग सहकार्य गरेर गरिएको तर अहिलेको फेयर टेक्सास कलेज अफ मेनेजमेन्ट र टेक्सास इन्टरनेशनल कलेजको संयुक्त आयोजनामा गरिएको कलेजकी शिक्षिका सरला कार्किले बताउनुभयो ।
उहाले भन्नुभयो, ‘टेक्सास मेनेजमेन्ट एण्ड आइटी करिअर फेवरमा मन्टिनेसनल हाउस,सि.जि लगाएतका कर्पोरेट हाउस हरुको उपस्थिति रहेको छ ।’
त्यस्तै, प्रत्येक बर्ष टेक्सास मेनेजमेन्ट एण्ड आइटी करिअर फेयरले विद्यार्थीलाई अधिक लाभ पुर्याएको कलेजका निर्देशक नारायण पोखरेलले बताउनुभयो ।
पोखरेलले भन्नुभयो, ‘यो फेयरको मुख्य उद्धेश्य भनेको विद्यार्थी र कर्पोरेट हाउस बीचको सेतु बन्नु हो । यसबाट दुबैले चिन्ने र चिनाउने मौका पाउँदछन र भविश्यको रेखा कोर्दछन् ।’
टेक्सास कलेज अफ मेनेजमेन्ट एण्ड आइटीको सिफलस्थित कलेज भवनमा भएको फेयरले विद्यार्थीहरुले रोजगारीको अवसर प्रदान गर्ने र फेयरमा सहभागी व्यक्ति र कर्पोरेट हाउसका विज्ञहरुबीच प्रत्यक्ष रुपमा संवाद तथा जिज्ञासा बारे छलफल भएको आयोजक कलेजले बताएको छ ।
टेक्सास मेनेजमेन्ट एण्ड आइटी करिअर फेयरमा करिअर काउन्सिलिङ्ग, सेलिब्रेटीको उपस्थितिमा लाइभ म्यूजिक पनि भएको थियो ।
