राष्ट्रिय परीक्षा बोर्ड परीक्षा नियन्त्रण कार्यालय कक्षा १० ले एसईईको नतिजा सार्वजनिक गर्न चाहने संघ संस्थाबाट आवेदन माग गरेको छ । एसएमएस, आईभीआर वा वेबसाइटबाट नतिजा सार्वजनिक गर्न इच्छुक संस्थाले असार १२ गते भित्र आवेदन दिन सूचना जारी गरेको हो ।
इच्छुक संघ संस्था वा कम्पनीले आफूले जानकारी दिन चाहेको सेवाको विवरण खोली शर्तका आधारमा आवेदन माग गरेको छ ।
एसएमएसबाट प्रकाशनका लागि एकमुष्ट रु.४० हजार, वेबसाइट बाट प्रकाशनका लागि रु.२० हजार र एसएमएस र वेबसाइट सेवाका लागि एकमुष्ट रु.६० हजार, एसएमएस, आइभीआर र वेबसाइट सेवाका लागि एकमुष्ट रु.एक लाखका दरले राजश्व बुझाउनु पर्ने सूचनामा उल्लेख छ ।
