शिक्षक छनौटका लागि शिक्षा विकास तथा मानव स्रोत केन्द्रको दरबन्दी विवरणको पर्खाइमा रहेको शिक्षक सेवा आयोगलाई अब खुला विज्ञापन गर्न बाटो खुल्ने भएको छ । आयोगको मागका आधारमा केन्द्रले ७७ जिल्लाका शिक्षा विकास तथा समन्वय इकाइलाई पत्राचार गरेको छ ।
केन्द्रमा उक्त विवरण यही २५ गते भित्र सम्बन्धित जिल्लाले पठाइसक्नु पर्ने केन्द्रका शाखा अधिकृत भुवनेश्वर जोशीद्वार हस्ताक्षरित विज्ञप्तिमा उल्लेख गरिएको छ ।
