त्रिभुवन विश्वविद्यालय केन्द्रीय पुस्तालय र क्याम्व्रीज युनिभर्सिटी प्रेस इण्डियाको संयुक्त आयोजनामा विभिन्न विधाका पुस्तकहरु र अनुसन्धान लेखहरुको गुणस्तरीय प्रकाशन सम्वन्धमा न्र्तक्रिया कार्यक्रम सम्पन्न भएको छ ।
केन्द्रीय पुस्तकालयमा आयोजित अन्र्तक्रिया कार्यक्रममा क्याम्व्रीज युनिभर्सिटी प्रेस इण्डिया मार्फत गुणस्तरीय पुस्तक छपाउने प्रक्रिया, पुस्तक प्रकाशनका पूर्व तयारीका विविध पक्षहरु साथै प्रकाशनमा क्याम्व्रीज युनिभर्सिटी प्रेस मार्फत प्राप्त हुनसक्ने सहयोग,सुविधा र त्यसको गुणस्तरीयताका बारेमा छलफल भएको थियो ।
त्रिभुवन विश्वविद्यालय विज्ञान तथा प्रविधि अध्ययन संस्थानका डीन प्राडा विनिल अर्यालले कार्यक्रममा उपस्थित अतिथि एवम् सहभागिहरुलाई त्रिभुवन विश्वविद्यालयले अनुसन्धान र प्रकाशनका क्षेत्रमा प्राप्त गरेको उपलब्धीका बारेमा संक्षिप्त जानकारी गराउनु भएको थियो ।
उनले त्रिभुवन विश्वविद्यालय देशकै सबैभन्दा वढि अनुसन्धान गर्ने विश्वविद्यालयको रुपमा सक्रिय रहेको बर्षेनी १ हजार भन्दा बढी अनुसन्धान लेखहरु प्रकाशित भइरहेको र नेपाली अनुसन्धानकर्मीहरुमा अनुसन्धनात्मक र वैज्ञानिक लेखहरु प्रकाशन गर्ने क्षमतामा उल्लेखनिय बृद्धिभईरहेको तथ्यवारे जानकारी गराएका थिए ।
कार्यक्रममा क्याम्व्रीज युनिभर्सिटी प्रेस इण्डियाका क्षेत्रीय व्यवस्थापक गिरिजेश कुमार तिवारीले सन् १५३४ मा स्थापना भई प्रकाशनको क्षेत्रमा अब्बल ऐतिहासिक संस्थाको रुपमा परिचित क्याम्व्रीज युनिभर्सिटी प्रेसका बारेमा जानकारी गराएका थिए ।
क्याम्व्रीज युनिभर्सिटी प्रेस इण्डियामा कार्यरत सहायक सम्पादकद्धय विकास कुमार तिवारी र अन्वेषा रानाले प्रकाशनका प्राविधिक एवम् व्यवस्थापकीय पक्षका बारेमा अवगत गराएका थिए । उक्त कार्यक्रमको अध्यक्षता त्रि।वि केन्द्रीय पुस्तकालयका निमित्त प्रमुख सागरराज सुवेदीले गरेका थिए ।
