विगत तीन वर्षभन्दा यो वर्ष कक्षा १२ को नतिजामा सुधार भएको पाइएको छ । यो वर्ष विगत तीन वर्ष भन्दा ३.६१ देखि ४.० जीपीए ल्याउनको संख्या समेत बढी रहेको छ ।
राष्ट्रिय परीक्षा बोर्डले अहिले सार्वजनिक गरेको कक्षा १२ को नतिजामा ९ हजार ५९१ विद्यार्थीले ३.६१ देखि ४.० जीपीए ल्याएका छन् ।
बोर्डले सार्वजनिक गरेको नतिजा अनुसार कुल विद्यार्थी ४ लाख ९१ हजार ४९७ जनामा विद्यार्थी मध्ये १.९५ प्रतिशत विद्यार्थीले सो समूहको जीपीए प्राप्त गरेका हुन् । गत वर्ष यो समूहको जीपीए ल्याउने विद्यार्थीको संख्या ६ हजार ९७६ जना रहेको थियो । भने शैक्षिक वर्ष २०७८ मा ४ हजार १७९ विद्यार्थीले यो समूहको जीपीए ल्याएका थिए ।
त्यसैगरी यो वर्ष ३.२ देखि ३.६ जीपीए ल्याउनेको संख्या ४६, हजार ८९३ जना रहेको छ । भने २.८ देखि३.२ सम्म जीपीए ल्याउनेको संख्या ७८, हजार ७५ जना रहेको छ । त्यसैगरी २.४देखि २.८ जीपीए ल्याउनेको संख्या ६१ हजार ३६ जना रहेको छ । त्यसैगरी यो वर्ष २.१ देखि २.४ जीपीए ल्याउनेको संख्या ८ हजार २४० रहेको छ भने १.६ देखि २.० जीपीए ल्याउने विद्यार्थीको संख्या १२ जना रहेको छ ।
त्यसैगरी एन जी ल्याउनेको संख्या १ लाख ८७ हजार २१ जना अनुत्तीर्ण भएका छन् कुल विदँर्थी मध्ये नियमितर्फ ३ लाख ९० हजार ८६८ मध्ये यो वर्ष नियमिततर्फ ५२.९१ प्रतिशत विद्यार्थी पास भएका छन् । भने गत वर्ष ५१.९१ प्रतिशत, र २०७८ सालमा ४६.४ प्रतिशत विद्यार्थी उत्तीर्ण भएका थिए ।
१२२ जना विद्यार्थीको नतिजा रद्द
परीक्षामा अमर्यादित क्रियाकलाप गरेको भन्दै बोर्डले १२२ जना विद्यार्थीको नतिजा रद्द गरेको छ ।
रद्द गरिएका विद्यार्थीहरूको नतिजा समेत नआउने बोर्डले जनाएको छ ।
