भक्तपुर (इस) भाद्र २, नेपाल इन्जिनियरिंग कलेज (नेक) चाँंगुनारायण भक्तपुर अन्तर्गत गठित सेन्टर फर एप्लाईड रिसर्च एण्ड रुरल डेभलपमेन्ट (सीएआरआरडी) को आयोजनामा इन्जिनियरिंग रिसर्च प्रोजेक्ट “इनोभेटिब द फ्यिुचर” कार्यशाला सम्पन्न भएको छ ।
कार्यक्रममा विद्यार्थीले कन्सेप्ट पेपर, प्रोपोजल एण्ड रिपोर्ट राइटिंग, विजनेश मोडेल, प्रोटोटाइप, पोष्टर प्रिजेन्टेशन, आदिबारे प्रस्तुत गरेका थिए ।
समाजमा आइपर्ने समस्याहरुलाई इन्जिनियरिंग क्षेत्रबाट हल गर्ने उद्देश्यका साथ कार्यशाला गोष्ठी भएको थियो । आषाढ ११ गतेबाट सुरु भएको कार्यशाला श्रावण ३२ गते सम्पन्न भयो ।
कार्यशालामा ग्राउण्ड वाटर एक्उिफर रिचार्ज लगायतका विभिन्न रिसर्च प्रोजेक्ट प्रस्तुत गरिएको थियो । विद्यार्थीले प्रस्तुत गरेका पेपरहरुको निर्णयकहरुमा कलजलेका प्रा. सावित्री त्रिपाठी, इडियुसञ्जालका प्रमुख वित्त अधिकारी राजन कोइराला, सफ्टोनिक्सका निर्देशक दिभेष श्रेष्ठ, ई.कृष्णराम एन्डो, सिए हरिकुमार सिलवाल लगायतका रहनुभएको थियो ।
उक्त कार्यशाला संचालन गर्नका लागि जब डाइनामिक्सका निर्देशक प्रयासराज उपाध्याय, फ्रि म्यान इन्जिनियरिंग कन्सट्रक्सन कम्पनीका फाउण्डर सपोज घिमिरे, कलेजका एसोसिएट प्रोफेसर दिपेश प्रकाश गुरागाई र विनय श्रेष्ठ, सोलुशन व्रिज इन्टिच्युटका फाउन्डर सागर खनाल लगायतले सहयोग गर्नुभएको थियो ।
कार्यक्रमको प्रमुख अतिथिको रुपमा चाँंगुनारायण नगरपालिकाका प्रमुख सोम प्रसाद मिश्र, कलेजका उपप्राचार्य दीपक धामी, कलेजकै एकेडेमिक कोअर्डिनेटर मोहनध्वज केसी लगायतका रहनु भएको थियो ।
