जानेलाई जान देऊ, रोक्न हुँदैन !
नसकिने जिम्मेवारी, बोक्न हुँदैन !
उसको पो बुद्धि छैन,तिम्रो त छ नि,
कुकुर को खुट्टा हेर! टोक्न हुँदैन !
नसोच है तिम्रो कुरा, बुझ्छन् सबैले,
जथाभावी मन–परी, खोक्न हुँदैन !
रटाई को ज्ञान भन्दा, जाति बुझेको,
हानि हो त्यो आफैलाई, घोक्न हुँदैन !
अमुल्य छ जिन्दगी यो, फेरी पाईन्न,
बाजी यसै त्यो ज्यानको, ठोक्न हुँदैन !
अलकत्रै निल्नु हुन्न, सित्तै भए नि,
आँखा चिम्ली पा’को जति, धोक्न हुँदैन !
आमा बिना संसार को, छैन औचित्य,
मुल्य माया ममताको, तोक्न हुँदैन !
