प्राविधिक एसएलसी प्रिडिप्लोमा गरेका विद्यार्थीलाई सामुदायिक विद्यालयको प्राविधिक धारको कक्षा ११ मा भर्ना लिइने भएको छ ।
राष्ट्रिय पाठ्यक्रम विकास तथा मूल्याङ्कन परिषद्को भदौ २८ को निर्णयले उक्त विषय पढेका विद्यार्थीलाई कक्षा ११ मा भर्ना लिने निर्णय गरेको हो ।
विगतमा एसएलसी÷एसइई परीक्षा उत्तीर्ण गरी प्राविधिक शिक्षा तथा व्यावसायिक तालिम परिषदबाट सञ्चालित प्राविधिक एसएलसी र प्रिडिप्लोमा गरेको विद्यार्थीले सामुदायिक विद्यालयमा सञ्चालित प्राविधिक धारको कक्षा ११ मा भर्ना गर्न चाहेमा भर्ना लिन सकिने केन्द्रका महानिर्देशक केशवप्रसाद दाहालद्वारा प्रकाशित सूचनामा उल्लेख गरिएको छ ।
सो सूचनामा कक्षा ११ मा भर्नाका लागि तोकिएका मापदण्डका आधारमा मिल्ने विषयमा कक्षा ११ मा भर्ना भई विद्यार्थीले अध्ययन गर्न पाउने उल्लेख गरिएको छ ।
