A Levels MA

प्रधानाध्यापकको सक्षमता प्रारुपका लागि सुझाव माग (प्रारुप सहित)

प्रधानाध्यापकको सक्षमता प्रारुप, २०८० मा सुझाव भए एक हप्ताभित्र शिक्षा तथा मानव स्रोत विकास केन्द्रमा पठाउने केन्द्रले सूचना जारी गरेको छ ।

विद्यालय शिक्षालाई थप गुणस्तरीय बनाउनका लागि केन्द्रले मस्यौदा तयार गरेको हुँदा उक्त मस्यौदामा सुझाव भए पठाउन निर्देशन दिएको हो ।

केन्द्रले तयार गरेको प्रारूपलाई विभिन्न सात क्षेत्र रहेका छन् । हरेक क्षेत्रमा सक्षमताका मापदण्ड तयार गरिएको छ । ती मापदण्डअन्तर्गत प्रधानाध्यापकप्रअको पेसागत विकासको अवस्था र स्तर मापन गर्न सकिने गरी सूचक समेत विकास गरिएका छन् ।

प्रारूपमा विद्यालयको रणनीतिक दिशा निर्माण, शिक्षण तथा सिकाइको नेतृत्व, विद्यालय व्यवस्थापन, पेसागत विकास, सरोकारवालासँगको संलग्नता र सहकार्य, परिवर्तन तथा नवप्रवर्तनको नेतृत्व र सफलतापूर्वक कार्य सम्पादन गर्न आवश्यक वैयक्तिक गुणका साथै सामाजिक र अन्तरवैयक्तिक सिपजस्ता क्षेत्र समावेश गरिएका छ । यी सात क्षेत्रमा कुल ४६ सूचक समावेश गरिएका छन् ।

सक्षमतालाई प्रस्तुत गर्दा सम्बन्धित क्षेत्रको ज्ञान र बुझाइ तथा मान्यता र सिपको समग्रतामा हेर्न खोजिएको केन्द्रले जानकारी दियो । सक्षमता स्थिर रहने विषय नभई पेसागत विकाससँगै परिष्करण हुन्छ भन्ने मान्यतालाई अङ्गीकार गरिएको छ । यसअनुसार प्रअको जिम्मेवारी भर्खर लिएका नवप्रवेशी प्रअले अनुभव, अध्ययन र प्रयत्नमार्फत आफूमा सो सक्षमतामा निखार ल्याउँदै उन्नत अवस्थामा पुग्न र समग्रमा पेसागत उन्नयनमा योगदान दिन सक्छन् भन्ने मान्यताले यस प्रारूपको विकास गरिएको जनाएको छ ।

यस्तो छ प्रधानाध्यापकको सक्षमता प्रारुप, २०८०

Thuprai - Books and E-books