कारबाहीको समयसीमा सकिएपछि त्रिविबाट बीबीएस प्रथम वर्षको नतिजा प्रकाशन

त्रिभुवन विश्वविद्यालय  परीक्षा नियन्त्रण कार्यालयले परीक्षाको मर्यदा विपरीत आचरण गर्ने विद्यार्थीलाई कारबाही गरेको समय सीमा सकिएपछि मात्र नतिजा सार्वजनिक गरेको छ ।

परीक्षा भएको १५ महिनापछि हिजो  व्यवस्थापन सङ्कायतर्फको स्नातक तह चारवर्षे बीबीएस  प्रथम वर्षको नतिजा सार्वजनिक गर्दै संगठन तथा शैक्षिक प्रशासन सम्बन्धी नियम २०५० को परिच्छेद ६६ को २६०, २६८ र २७० अनुसार परीक्षाको मर्यादा विपरित कार्य गर्ने सात जना विद्यार्थीलाई कारबाहीका समयावधि सकिएपछि नतिजा सार्वजनिक गरेको हो ।

त्रिविद्वारा जारी सूचनामा , ‘परीक्षार्थीहरुलाई २०७८ सालसम्म २ (दुई) वर्षको लागि त्रिवि बाट सञ्चालन हुने कुनै पनि परीक्षामा सम्मिलित हुन नपाउने गरी निष्काशन गरिएको छ।’ भन्ने उल्लेख गरिएको छ । यता समयावधि भने २०७९ को मंसिर लागि सकेको छ । 

त्रिविले २०७८ साल श्रावण महिनामा सञ्चालित २०७७ सालको परीक्षाको परीक्षाफल केन्द्रीय परीक्षा सञ्चालक समितिको निर्णयानुसार प्रकाशित गरेको हो । विद्यार्थीले आफ्नो परीक्षाफल त्रिविको बेभसाईट  www.tuexam.edu.np मा हेर्न सकिने सूचनामा उल्लेख छ  । 4BBS (space) roll number टाइप गरी ३३६२४ मा  एसएमएस गरेर पनि  हेर्न सकिने सूचनामा उल्लेख छ ।

यस अघि त्रिविले परीक्षा लिएको करिब १५ महिनापछि बीएस्सी प्रथम वर्षको नतिजा प्रकाशित गरेको थियो । त्रिविले २०७७ सालका विद्यार्थीको २०७८ साउनमा लिएको बीएस्सी प्रथम वर्षको परीक्षाको नतिजा गत आइतबार सार्वजनिक गरेको थियो ।

त्यसैगरी १५ महिना पछि नै  बीए प्रथम वर्ष २०७७ को नतिजा प्रकाशित गरेको थियो । पनिकाले २०७८ साउनमा सञ्चालन गरेको परीक्षाको नतिजा गत मंगलबार सार्वजनिक गरेको हो ।

I Tech store