पोखरा विश्वविद्यालयले स्नातक तहको परीक्षा साउन दोस्रो हप्ताबाट सञ्चालन गर्ने

पोखरा विश्वविद्यालयले स्नातक तहको परीक्षा साउन दोस्रो हप्ताबाट सञ्चालन गर्ने

पोखरा विश्वविद्यालयले स्नातक तहका सम्पूर्ण कार्यक्रमहरुको परीक्षा साउनको दोस्रो हप्ताबाट सञ्चालन गर्ने भएको छ । विश्वविद्यालय अहिले पहिलो देखि सातौं सेमेष्टरसम्म र बाँकी छुट सेमेष्टर तथा वार्षिक कार्यक्रमको परीक्षा सञ्चालनको तयारीका विश्वविदालय जुटेको हो ।

विश्वविद्यालयले परीक्षा सञ्चालनका लागि सेमेष्टर तथा वार्षिक कार्यक्रमको परीक्षा फाराम भरी असार मसान्तभित्र पोखरा विश्वविद्यालय, परीक्षा नियन्त्रण कार्यालयमा पठाउन सम्पूर्ण आङ्गिक र संयुक्त आङ्गिक, सम्बन्धन प्राप्त कलेजहरु र सम्पूर्ण विद्यार्थीहरुलाई निर्देशन दिएको छ। विश्वविद्यालय मातहत ६६ क्याम्पस, विभिन्न संकायका ६१ कार्यक्रम र ३२ हजार ५८४ विद्यार्थी अध्ययनरत छन् ।