विद्यालयको जग्गा अवैध उत्खनन् गर्ने विरुद्ध विशेष अदालतमा मुद्दा

बैजनाथ बहुभाषिक आधारभूत विद्यालयको जग्गा अवैध रुपमा उत्खनन् गराउने चार जना विरुद्ध अख्तियार दुरुपयोग अनुसन्धान आयोगले विषेश अदालतमा मुद्दा दायर गरेको छ ।

विद्यालयको माटो बिक्री गरी भ्रष्टचार गरेको भन्दै अख्तियार दुरुपयोग अनुसन्धान आयोगले कञ्चनपुर लालझाडी गाउँपालिका वडा नं ४ स्थित सो विद्यालयका  प्रधानाध्यापक सुरेन्द्रबहादुर बोहरा र विद्यालय व्यवस्थापन समितिका तत्कालीन अध्यक्ष लक्ष्मण राना सहित चार जना विरुद्ध मुद्दा दायर गरेको हो ।

माटो किन्ने भगवती इँटा उद्योगका व्यवस्थापक राजेन्द्रबहादुर भाट र सिद्ध वैजनाथ इँटा उद्योगका सञ्चालक धनबहादुर विष्टलाई पनि अख्तियारले मुद्दा दायर गरेको छ ।

उनीहरूले बहुभाषिक आधारभूत विद्यालय डाङाजाईको हाताभित्र आर्थिक वर्ष २०७६–०७७ र २०७७–०७८ मा माटो उत्खनन् गरी जमिन समथर र पोखरी निर्माण गर्दा तत्कालीन प्रदेश सरकारको आर्थिक ऐन, २०७६ को दफा ८ बमोजिमको अनुसूची–६ र सुदुरपश्चिम प्रदेश आर्थिक ऐन, २०७७ को दफा ८ बमोजिमको अनुसूची–६ ले तोके बमोजिमको करबापतको  ७ लाख २९ हजार ५१४ रुपियाँ ५० पैसा सरकारी रकम हिनामिना तथा सार्वजनिक सम्पत्ति हानीनोक्सानी गरेको अख्तियारको दाबी छ ।

Thuprai - Books and E-books