![वैदेशिक अध्ययनलाई थप व्यवस्थित बनाइने](https://media.edusanjal.com/__sized__/news_headers/photo_2024-09-05_16-55-04-crop-c0-5__0-5-300x180-70.jpg)
विश्वविद्यालय अनुदान आयोगले उत्कृष्ट क्याम्पस छनौट गर्न विश्वविद्यालयका आङ्गिक क्याम्पसका साथै विश्वविद्यालयबाट सम्बन्धन लिइ सञ्चालनमा रहेका सामुदायिक र निजी (प्राइभेट) क्याम्पसले आ–आफ्नो दावीसहित आवेदन माग गरेको छ ।
आयोगले नीति पूर्वक साउन १९ गतेसम्म कार्यालय समयमा आवेदन दिन माग गरेको हो ।
आयोगले राष्ट्रिय शिक्षा दिवसको अवसरमा नेपाल विद्याभूषण, नेपाल प्रविधि विद्याभूषण, नेपाल छात्रा विद्यापदक लगायतका पुरस्कार प्रदान गर्न माग दाबी गर्न आवेदन माग गरेको छ ।
आयोले राष्ट्रिय शिक्षा पुरस्कारसम्बन्धी निर्देशिका, २०७७ को दफा १६ मा भएको व्यवस्था अनुसार आगामी असोज २ (शिक्षा दिवसका दिन) उत्कृष्ट क्याम्पसलाई पुरस्कृत गर्न तोकिएको प्रक्रिया, मापदण्ड र ढाँचा आवेदन माग गरेको छ ।
आयोगले कलेजलाई ‘नेपाल विद्याभूषण, नेपाल प्रविधि विद्याभूषण, नेपाल छात्रा विद्यापदक र राष्ट्रिय शिक्षा पुरस्कारसम्बन्धी निर्देशिका, २०७७’ अनुसार प्रदान गर्ने सूचनामा उल्लेख गरेको छ ।
म्याद नाघी, तोकिएको प्रक्रिया, मापदण्ड र ढाँचा बाहिर रही तथा आवश्यक कागजातहरू संलग्न नभएका निवेदन स्वीकृत नहुने आयोगले जारी गरेको सूचनामा उल्लेख छ ।