त्रिभुवन विश्वविद्यालय त्रिभुवन विश्वविद्यालय शिक्षाशास्त्र सङ्काय डिनको कार्यालय लघुअनुसन्धान प्रस्तावना एकल रूपमा मात्र पेश गर्न पाउने प्रावधान कायम गरेको छ । विद्यापरिषद्को बैठकले लघुअनुसन्धान प्रस्तावना एकल रुपमा मात्र गर्न सक्ने प्रावधानको सुरुआत गरेको हो ।
डिन कार्यालयले पूर्व प्रकाशन गरेको सूचनामा आवश्यक कागजातहरूको विवरणमा उल्लेख भएको बुदा नं ६ मा “शिक्षक तथा कर्मचरीहरूले एकल वा संयुक्त रूपमा लघुअनुसन्धान प्रस्तावना पेश गर्न सकिने छ । संयुक्त रूपमा प्रस्तावना पेश गर्दा विद्यावारिधि र सावधिक पदमा रहेका शिक्षक तथा कर्मचारीहरूले सहायक अनुसन्धानकर्ताको रूपमा मात्र आवेदन दिन सकिने छ” भन्ने उल्लेख भएकोमा उक्त प्रावधान हटाएको छ ।
डिन कार्यालयले आर्थिक वर्ष २०७९–०८० को नियमित लघु अनुसन्धान कार्यक्रमका लागि शिक्षाशास्त्र संकायमा कार्यरत पूर्णकालीन शिक्षक तथा प्राध्यापकहरूबाट कार्तिक १८ गते दिनको ४ बजे भित्र कार्यालयमा आइपुग्ने गरी प्रस्तावना पेश गर्न सूचना जारी गरेको थियो ।
उक्त सूचनामा संयुक्त रुपमा प्रस्तावना पेश गर्न सकिने उल्लेख भएकोमा सो प्रावधान हटाएको छ ।
