शिक्षा क्षेत्रमा पुरानै कार्यक्रमलाई निरन्तरता दिँदै शिक्षा, विज्ञान तथा प्रविधि मन्त्रालयले शिक्षा दस वर्षे नयाँशिक्षा क्षेत्र योजना निर्माण गर्ने भएको छ ।
उक्त कार्यढाँचामा शिक्षा क्षेत्रका पुरानै योजना तथा परियोजनालाई मूल्याङ्कन गरी अन्य योजना निर्माण तथा कार्यान्वयन गर्ने भनिएको छ । यसका लागि मन्त्रालयले ‘शिक्षाक्षेत्र योजना विकास कार्यढाँचा, २०७७’ तयार गरिसकेको छ ।
मन्त्रालयले २०७८साउन एक गतेदेखि लागु गरी २०८८ सम्म दुई खण्ड र तीन चरणमा सम्पन्न गर्ने गरी कार्यढाँचा सार्वजनिक गरेको छ । प्रस्तावित योजना २०७८ साउन एक गतेदेखि २०८३ असार मसान्तसम्म पहिलो खण्ड र २०८२ साउनदेखि २०८८ असार मसान्त दोस्रो खण्डमा कार्यान्वयन गरिने मन्त्रालयले जानकारी दियो ।
संवैधानिक मर्म, मुलुकले लिएको दीर्घकालीन विकासको सोच र आवश्यकतालाई आधार मानी संघ, प्रदेश र स्थानीय तहका शिक्षा क्षेत्रका प्रथमिकता पहिचान र सोको सम्बोधन हुनेगरी गरी समन्वयात्मक रुपमा दस वर्षे नयाँशिक्षा क्षेत्र योजना विकास गर्न सहयोग पुयाउने उद्देश्यले यो कार्यढाँचा तयार गरिएको हो ।
कार्यढाँचाले संघ, प्रदेश र स्थानीय तहको सामञ्जस्यतापूर्ण शिक्षा योजना निर्माणका लागि प्राविधिक आधार तयार गरी आपसी सहकार्य र समन्वय सहितको सिकाइको वातावरण, सुनिश्चित गर्ने, शिक्षा विषयक्षेत्र अन्तर्गतका विभिन्न उपक्षेत्रको वर्तमान अवस्था, उपलब्धि, प्रमुख समस्या
तथा चुनौतीको विश्लेषण गर्दै आगामी दशकका निमित्त शिक्षा विकासका अवसर र प्राथमिकता पहिचान गरी योजनामा सम्बोधन गर्ने, आपसी सहकार्यबाट शिक्षा योजना विकास गर्ने र कार्यान्वयन गर्ने क्षमता विकास गर्ने र तीनै तहका सरकारका शैक्षिक नीगित, योजना र काययक्रमहरुमा सामञ्जस्यता कायम गरी राज्यको साधन र स्रोतको उच्चतम उपयोग गरी अपेक्षित शैक्षिक उद्देश्य प्राप्त गर्ने विशिष्ट उद्देश्य सहित कार्यढाँचा तयार गरिएको सो कार्यढाँचामा उल्लेख गरिएको छ ।
योजना अवधिभर तीनै तहको सरकारको भूमिका, योजना प्रस्तुत गरिएको भए पनि कोभिड १९ का कारण थला परेको शिक्षा क्षेत्रको विकासका लागि के गर्ने भन्ने विषय भने सम्बोधन हुन सकेको छैन ।
