After SEE Portal

डिन हुन पेस गरेका कागजात शङ्कास्पद

Bridge Course

नेपाल खुला विश्वविद्यालयको सामाजिक विज्ञान तथा शिक्षाशास्त्र संकायका डिन डा. खगेन्द्र प्रसाईले डिन बन्नका लागि पेस गरेका कागजात शङ्कास्पद रहेको पाइएको छ ।

उनले पेशका गरेका कागजात नक्कली भएको दावीसहित अख्तियार दुरुपयोग अनुसन्धान आयोगमा उजुरी परेको थियो । आयोगले सो विषयमा छानविन गर्न विश्वविद्यालयलाई निर्देशन दिएको छ । 

विश्वविद्यालय सूत्रका अनुसार डा. प्रसाईले पेस गरेको १० वर्षे कार्यानुभवको कागजात र जर्नलमा प्रकाशित लेख सबै नक्कली भएको अख्तियारमा उजुरी परेको थियो । डिन हुनका लागि कम्तीमा १० वर्ष प्रशासनिक कार्यानुभव हुनुपर्ने र विभिन्न जर्नलमा अनुसन्धानात्मक लेख प्रकाशित हुनुपर्ने व्यवस्था छ ।

विश्वविद्यालयभित्र यस विषयलाई लिएर मतान्तर देखिएको छ । विश्वविद्यालयका उपकुलपति प्राडा शिलु मानन्धर बज्राचार्यले अख्तियारले दिएको निर्देशनअनुसार विश्वविद्यालयभन्दा बाहिरका विज्ञको सहयोगमा छानविन गर्नुपर्छ भन्दै आएकी छिन् । तर विश्वविद्यालयका रजिष्ट्रार डा. गोविन्दसिंह विष्टले आन्तरिक रुपमा छानविन गरी यस विषयलाई टुङ्ग्याउनुपर्ने भनाइ राख्दै आएका छन् । दुवै पदाधिकारीबीचको मतान्तरले निकै दिन बित्दा पनि यो विषय थाति रहन पुगेको छ ।

विश्वविद्यालय सूत्रका अनुसार डिन डा. प्रसाई नेकपा (एकीकृत समाजवादी) निकट मानिन्छन् । २०७९ चैत २० गते उनी डिन नियुक्त भएका थिए । लगत्तै अख्तियारमा उजुरी परेपछि गत वैशाखमा अख्तियारले छानविन गर्न निर्देशन दिएको थियो ।

विश्वविद्यालयको पुनरावेदन आयोगको व्यवस्था भए पनि हाल त्यसमा पदाधिकारीविहीन अवस्था छ । सो आयोग विश्वविद्यालयको कार्यकारी परिषद्ले गठन गर्नुपर्छ । अख्तियार लगायतबाट आएका निर्देशन लगायतका विषयलाई पुनरावेदन आयोगले टुङ्गो लगाउनुपर्न हुन्छ । तर आयोग नभएकाले बाहिरका विज्ञलाई झिकाएर छानविन गराउनुपर्ने माग विश्वविद्यालयभित्र गरिँदै आएको छ । हाल विश्वविद्यालयको सेवा आयोग पनि रिक्त छ । 

A Levels MA
I Tech store