काठमाडौं महानगरपालिकाले जेठ मसान्तभित्र सामाजिक परीक्षण पेश नगर्ने विद्यालयको आगामी वर्षको बजेटमा अनुदान रोक्का गर्ने चेतावनी दिएको छ । माग बमोजिमका विवरण पेश नगर्ने विद्यालयलाई अनुदान रोक्का हुन गएमा सम्बन्धित विद्यालयका प्रधानाध्यापक जिम्मेवार हुने समेत चेतावनी दिएको छ ।
महानगर शिक्षा विभागले विद्यालयलाई सामाजिक परीक्षण प्रतिवेदन र विद्यालय सुधार योजना पेश गर्न निर्देशन दिएको हो । पञ्चवर्षीय विद्यालय सुधार योजना तथा सामाजिक परीक्षण प्रतिवेदनको १–१ प्रति आगामी जेठ मसान्तसम्म पेश गर्न सबै विद्यालयलाई निर्देशन सहितको पत्राचार विभागले गरेको छ ।
सबै सामुदायिक विद्यालयलाई पञ्चवर्षीय विद्यालय सुधार योजना तथा सामाजिक परीक्षण मापदण्ड २०७८ बमोजिम प्रतिवेदन पेश गर्नुपर्ने भएपनि कतिपय विद्यालयले पेश नगरेको कारण पत्राचार गरेको हो ।
विद्यालयले विद्यालय सुधार योजना निर्माण सहयोगी पुस्तिका २०७४ बमोजिम ढाँचा र प्रक्रियामा प्रतिवेदन पेश गर्न निर्देशन दिएको छ ।
