Thuprai - Books and E-books
Scholarship edusanjal

अन्तर्राष्ट्रिय सम्मेलन गर्दै नेपाल केमिकल सोसाइटी

Admission edusanjal
Schools edusanjal

नेपाल केमिकल सोसाइटीले छिमेकी मुलुकमा जस्तो काम गर्ने अनुकूल वातावरण नपाएको काठमाडौं विश्वविद्यालयका पूर्वउपकूलपति सुरेशराज शर्माले बताएका छन् ।

नेपाल केमिकल सोसाइटीको ३४ औं वार्षिक साधारण सभामा बोल्दै उनले यस्तो धारणा राखेका हुन् ।

‘नेपालमा हरित क्रान्ति (खाद्यमा) र स्वेत क्रान्ति (दुधमा) गर्न सक्ने प्रशस्त संभावना हुँदा हुँदै नेपालमा केही गर्न सकिएको छैन ।’ उनले भने, ‘सीमित स्रोत र साधनका कारण हामीले केही गर्न सकेका छैनौं।’

 उक्त कार्यक्रममा बोल्दै सोासइटीका पूर्व अध्यक्ष अम्मर यादबले केमेष्ट्रिका विद्यार्थी अनुसन्धान केन्द्रीत हुनु पर्ने बताए ।

उक्त कार्यक्रममा विज्ञान तथा प्रविधि मन्त्रालयका सहसचिव सुरेन्द्र सुवेदी, अमृत साइन्स क्याम्पस प्रमुख पुष्प हुँमागाइलगायतले नेपालीको स्वास्थ्य संरक्षणमा केमिकल सोसाइटीले उल्लेखनीय भूमिका खेल्न सक्ने धारणा राखेका थिए ।

सो कार्यक्रममा सोसाइटीले पहिलो पटक केमेष्ट्रि अध्ययनरत छात्र/छात्रालाई आउट स्ट्याडिङ स्टडी अवाड प्रदान गर्न सुरु गरेको छ । यसै वर्षबाट प्रदान गर्न सुरु गरिएको सो अवाड यो वर्ष त्रिभुवन विश्वविद्यालयको एमएसी टपर छात्रा संगीना महर्जनलाई प्रदान गरेको छ ।

सोसाइटीले महर्जनलाई ५ हजार नगद र प्रमाण प्रत्र प्रदान गरेको हो ।

भने आगामी वर्षदेखि उत्कृट शिक्षकलाई पनि अवाड प्रदान गर्ने सोसाइटीका महासचिव भानुभक्त न्यौपानेले जानकारी दिए ।

सोसाइटीले आगामी नोभेम्बर २७ र २८ मा अन्तर्राष्ट्रिय कन्फ्रेन्स समेत गर्ने भएको छ । उक्त कार्यक्रममा ४० औं जर्नलको समेत लोकार्पण गरिएको थियो । सोसाइटीका अध्यक्ष प्रा.डा निरञ्जन पराजुलीको अध्क्षयतामा सम्पन्न सो कार्यक्रममा  सोसाइटीका सातै प्रदेशका प्रतिनिधिको सहभागिता थियो ।