सरकारले २०७७ सालसम्म पूर्ण साक्षरता जिल्ला घोषणा गर्ने लक्ष्य लिएको छ । २०६५ सालबाट साक्षरता जिल्ला घोषणा गर्ने कार्यक्रम सुरु भएको थियो । तर, सो कार्यक्रम प्रभाबकारी तरीकाले अघि बढ्न सकेको छैन ।
शिक्षा तथा विज्ञान प्रबिधी मन्त्रालयका अनसार हालसम्म ५१ वटा जिल्लालाई पूर्ण साक्षर जिल्ला घोषणा गरीसकेको छ । अझै २५ जिल्ला पूर्ण साक्षर हुन बाँकि छ । मन्त्रालयका अनुसार साक्षरता अभियानलाई अघि बढाउन हालसम्म ११ अर्व रुपैंया खर्च भएको छ । सरकारले हाल साक्षरता जिल्ला घोषणा गर्न बाँकि जिल्लाहरुमा साक्षरता अभियान सञ्चालन गर्दै आएको छ । सरकारले साक्षरताका आधारहरुको ढाँचा समेत तयार पारेको थियो ।
साक्षरताका आधारहरु के के हुन् त ?
– राष्ट्रभाषा वा मातृभाषाका वर्णरसाक्षरको पढाइ र लेखाइ
– आफ्नो र परिवारका सदस्यको नाम, उमेर लेखाइ र पढाइ
– मोबाइल र क्याल्कुलेटरका अङक र अक्षर चिनेर प्रयोग गर्ने
–नेपाली वा मातृभाषामा लेखिएका मूल्यसूची र बिलको पढाइ
–लेनदेनका हरहिसाब राख्न
– शुन्य देखि नौ सम्मका अङ्क अक्षरमा लेखाइ
–एक देखि एकसयसम्म गणना
–सरल चित्र, पोस्टर, साइनबोर्ड र ट्राफिक सङ्केत पढाइ र बुझाइ
–घडी हेरेर समय भन्न, भित्तेपात्रो हेरेर तिथिमिति बताउन
–एकजना साक्षरले अर्को निरक्षरलाई सिकाउने
– समूहमा आबद्ध निरक्षरलाई समूहबाटै साक्षर गराउने
