त्रिभुवन विश्वविद्यालयको रेक्टरमा प्राध्यापक शिवलाल भुसाल नियुक्त भएका छन् ।
विश्वविद्यालयका कुलपति तथा प्रधानमन्त्री केपी शर्मा ओलीले बिहीबार त्रिवि मानविकी तथा सामाजिक संकायका डिन रहेका भुसाललाई रेक्टर नियुक्त गरेका हुन् ।
भुसाल २५ वर्षदेखि अध्यापनरत प्राध्यापक हुन् ।
अर्थशास्त्रमा विद्यावारिधि हासिल गरेका भुसाल यसअघि निमित्त रेक्टरको जिम्मेवारीमा थिए । उनको पदावधि चार वर्षको हुनेछ ।
