राष्ट्रिय लोकतान्त्रिक प्राध्यापक संघले आज एक प्रेस विज्ञप्ति जारी गरी विश्वविद्यालयले एकलौटी रुपमा गरेको पदाधिकारी नियुक्ति प्रति गम्भीर ध्यानाकर्षण भएको जनाएको छ । संघले २०७८ बैशाख पछि विभिन्न निकायमा भएका नियुक्ति र सिफारिसप्रति खेद समेत प्रकट गरेको छ ।
संघले असमावेशी एवं एकलौटी रुपले गरिएका यस प्रकृतिका नियुक्ति र सिफारिस तुरुन्त खारेज गर्न जोडदार माग गरेको हो । समाजिक न्याय, समावेशिता, मौलिक हकको बर्खिलापमा गरिएका यस प्रकृतिका निर्णयलाई खारेज गरी संघका जायज मांगलाई पुनः बेवास्ता गर्ने, आलटाल र नजरअन्दाज गर्ने काम भएमा आन्दोलनका कडाभन्दा कडा कार्यक्रम ल्याउन बाध्य हुने चेतावनी दिएको छ ।
संघले विभिन्न समयमा विश्वविद्यालयका पदाधिकारीसँग सम्झौता गरेको भएपनि सोको कार्यान्वयन नभएको विज्ञप्तिमा उल्लेख गरिएको छ । संविधानले सुनिश्चित गरेको समावेशीता, समाजिक न्याय र मौलिक हकको समेत धज्जी उडाउँदै विश्विद्यालयले गतिविधि सञ्चालन गर्दै आएको छ । यस्ता निर्णय तत्काल बदर गरी संघको चासो र खबरदारीका वावजुद पनि अटेर आफ्ना जायज मागलाई नजरअन्दाज नगर्न संघले चेतावनी दिएको छ ।
गणतन्त्रको स्थापनापछि नेपालको उच्च शिक्षामा सुधार हुने अपेक्षा गरिए पनि त्यस अनुरूप सुधार हुन हुन नसकेकोमा दुख व्यक्त गरेको छ । विश्वविद्यालयमा रहेको चरम राजनीतिकरण, असमावेशीता र एकलौटी निर्णयकाका कारण विश्वविद्यालयको गुणस्तर सुधार हुन नसकेको हो । यस विषयमासंघले धेरैपटक संघर्षको कार्यक्रम गरी लिखित तथा मौखिक रूपमा गम्भीर ध्यानाकर्षण गराउँदै आएको विज्ञप्तिमा उल्लेख छ ।
