त्रिभुवन विश्वविद्यालयले पटकपटक सार्वजनिक सूचना जारी गर्दा समेत त्रिविका १७५ सम्बन्धन प्राप्त क्याम्पसले नवीकरण गरेका छैनन् । पटकपटक जारी गरेको सूचनालाई वेवास्ता गरेको भन्दै त्रिविले तत्काल नवीकरण नगरे सम्बन्धन खारेजी गर्ने चेतावनी दिएको छ ।
हाल सञ्चालनमा रहेका क्याम्पस÷कलेजहरूलाई (मिति २०७९।०९।२० तथा २०७९।१२।२८) सम्बन्धन नवीकरण गर्नका लागि सूचना जारी गरेको थियो ।
नवीकरण नगरे किन सम्बन्धन खारेज नगर्ने ? भन्ने सूचना सम्प्रेषण गर्दा पनि सम्बन्धन नवीकरण नगरेका क्याम्पसहरूको सूची समेत त्रिविले सार्वजनिक गरेको छ ।
त्रिवि सम्बन्धन समितिको निर्णय अनुसार नवीकरण नभएका उक्त क्याम्पसहरूलाई त्रिवि नियमानुसार कारबाही प्रक्रिया अगाडि बढाउने व्यहोरा जानकारी गराइन्छ । यदि कुनै क्याम्पस नवीकरण प्रक्रियामा भएको भए यथासक्य आधिकारिक निस्सा प्रमाण सहित सम्बन्धित डिन कार्यालयमा पेस गर्न सूचना जारी गरेको छ ।
