![तराई -दुर्गममा साक्षरता र भर्ना अभियानले सार्थकता पाउन सकेन: प्रधानमन्त्री](https://media.edusanjal.com/__sized__/u/suvakamana-crop-c0-5__0-5-300x180-70.jpg)
सोलुखुम्बु, २ मङ्सिर (रासस) ः यहाँको एक माध्यमिक विद्यालयमा शैक्षिक सत्र शुरु भएको आठ महिना बितिसक्दासमेत सामाजिक शिक्षा विषयको पढाइ शुरु भएको छैन ।
लिखुपिके गाउँपालिकामा रहेको हिमगङ्गा माध्यामिक विद्यालय चौलाखर्कमा सामाजिक विषय शिक्षक नहुँदा पठनपाठननै प्रभावित भएको छ । विद्यालयले शिक्षकको व्यवस्थापन गर्न नसक्दा पढाइमा असर परिरहेको विद्यार्थी उमेश बस्नेतले गुनासो गर्नुभयो । उहाँले भन्नुभयो, “हाम्रो एसइईको समय भइसक्यो तर एउटा पनि पाठ पढाइ भएकै छैन ।”
सम्बन्धित निकायमा जानकारी दिँदा पनि कुनै सुनुवाइ नभएको अर्का विद्यार्थी कृष्ण बस्नेतको भनाइ छ । एसइई आउन करीब तीन महीना बाँकी हुँदा समेत पढाइ नहुनु विद्यालय प्रशासनको लापाबाही भएको विद्यार्थीको आरोप छ । विद्यालयका प्रधानाध्यापक सत्यनारायण सिंहले शिक्षकको खोजि भइरहेको र एक साताभित्रै समस्या समाधान हुने जानकारी दिनुभयो । विद्यालय व्यवस्थापन समितिका अध्यक्ष प्रेमध्वज बस्नेतले शिक्षक खोजेर देखिएको समस्या समाधान गर्ने प्रतिबद्धता व्यक्त गर्नुभयो ।