राष्ट्रिय परीक्षा बोर्डले २०७७ सालको माध्यमिक शिक्षा परीक्षा (एसईई)को नतिजा आज सार्वजनिक गर्ने भएको छ । विद्यालयले गरेको आन्तरिक मूल्यांकनलाई बोर्डले प्रमाणित गरेर नतिजा प्रकशन गर्न लागेको हो । केही समयपछि बोर्डको बैठक सकिने र तत्काल नतिजा सार्वजनिक गरिने बोर्डले जानकारी दियो ।
परीक्षा नियन्त्रण कार्यालय कक्षा १० ले एसईइ परीक्षा २०७७ को नतिजा बोर्डको वेबसाइट, एसएमएस र आईभीआर बाट हेर्न सकिने गरी प्रकाशन गर्ने भएको छ । २०७७ को एसईईको नतिजा बोर्डको आधिकारिक वेबसाइट लगायत अन्य संस्थाबाट पनि हेर्न सक्ने व्यवस्था गरेको छ । यो नतिजा इडियु सञ्जालको वेबसाइट www.see.edusanjal.com बाट हेर्न मिल्ने व्यवस्था बोर्डले गरेको छ ।
त्यसैगरी बोर्डले २०७७ सालको नियमित तथा ग्रेडवृद्धि परीक्षाको नतिजा इजी सर्भिस प्रालिबाट ३४९४९ आकाश टेक प्रालिबाट ३१००१ र जानकी टेक्नोलोजी प्रालि मार्फत् ३५००१ मा एसएमएस गरेर हेर्न सक्ने र नेपाल टेलिकममार्फत १६०० एनसिएलबाट १६०० मा एसएमएस गरेर थाहा पाउन सक्ने व्यवस्था गरेको छ ।
