तारकेश्वर स्थित मनमैजु माध्यमिक विद्यालयकी प्रधानाध्यापक रबिना महर्जन इन्टेग्रिटी आईकन छनोट भएकी छन् ।
महर्जनलाई आगामी पुस २७ गते एका कार्यक्रमका विच सम्मान गरिने भएको छ ।
सार्वजनिक शिक्षा सुधारमा गरेको योगदानको कदर गर्दै प्रधानाध्यापक महर्जनलाई सम्मान गर्न लागिएको आयोजक संस्था अकाउन्टेबिलिटी ल्याब नेपालले जनाएको छ ।
२०७६ सालमा माध्यमिक तह तृतीय श्रेणीमा नियुक्त महर्जन एक वर्ष भित्र प्रधानाध्यापकको जिम्मेबारी सम्हाल्न पुगिन् । उनको नेतृत्वमा विद्यालयले अभिभावक तथा विद्यार्थीको भरोसा जितेको, सिकाइ तथा व्यवस्थापनमा सुधार भएको हुँदा उनको कदर गर्दै आइकन छनोट गरको ल्याब नेपालले जानकारी दियो ।
