नेपाल मेडिकल काउन्सिलले बुधबार देखि तीन सञ्चालन गरेको चिकित्सक नाम दर्ता परीक्षा (लाइसेन्स) परीक्षाको नतिजा प्रकाशन गरेको छ ।
सो परीक्षामा ३८.३९ प्रतिशत चिकित्सक मात्र उत्तीर्ण भएका छन् । परीक्षामा मेडिकल (एमबीबीएस) र डेन्टर (बीडीएस) गरी १ हजार ७२६ जनाले फारम भरेका थिए । अनुसार कुल १ हजार ७०९ जना सहभागिता मध्ये १ हजार ५२ फेल र ६५३ जना चिकित्सक पास भएका छन् ।
सो परीक्षामा १७ जना अनुपस्थित भएका थिए भने, १२ जनाको नतिजा रोकिएको छ ।
एमबीबीएसतर्फ कुल १ हजार ३९२ जनाले फारम भरेकोमा १ हजार ३७८ जना परीक्षामा सहभागी भएका थिए भने ५५८ जना ४०.४९ प्रतिशत मात्रै उत्तीर्ण भएको काउन्सिलले जानकारी दियो ।
त्यस्तै, डेन्टल (बीडीएस) तर्फ कुल ३३४ जनाले फारम भरेकोमा ३३१ जना सहभागी भएका थिए । जसमध्ये ९८ जना २९.६१ प्रतिशत मात्रै उत्तीर्ण भएका छन् ।
