शिक्षा तथा मानव स्रोत विकास केन्द्र योजना तथा अनुगमन शाखाले कक्षा ६ सम्मका बालबालिकालाई दिवा खाजा प्रदान गर्न निर्देशन दिएको छ । केन्द्रले एक सूचना जारी गरी कार्यक्रम लागू गर्न सबै स्थानीय तहलाई पत्राचार गरेको छ ।
गत आर्थिक वर्ष सम्म बालविकास कक्षादेखि कक्षा ५ सम्मका विद्यार्थीका लागि सञ्चालन हुँदै आएको दिवा खाजा कार्यक्रम चालु आर्थिक वर्षदेखि कक्षा ६ सम्म दिने निर्णय गर्दै बजेट बिनियोजन गरेको छ ।
सोही अनुसार शाखाले साउनदेखि कक्षा ६ मा अध्ययनरत विद्यार्थीहरुका लागि दिवा खाजा कार्यक्रम कार्यन्वयनको व्यवस्था मिलाउन निर्देशन दिएको छ ।यस सम्बन्धी विस्तृत विवरण कार्यक्रम कार्यन्वयन पुस्तिका, २०७९–८० मा उल्लेख गरिने सूचनामा उल्लेख छ ।
