त्रिभुवन विश्वविद्यालयले आफ्नो लापरबाहीको पराकाष्ठा पुनः दोहोर्याएको छ। हिजो सञ्चालन गरेको चार वर्षे स्नातक तहको तेस्रो वर्षको ‘पर्यटन विकास विषय’को परीक्षामा दिल्ली विश्वविद्यालयको प्रश्नपत्र सोधेको छ ।
सोमबार मानविकी संकायअन्तर्गतको वार्षिक प्रणालीको सो विषयको परीक्षामा पर्यटन विकास विषयको प्रश्नपत्रको साटो दिल्ली विश्वविद्यालयको प्रश्नपत्र सोधेको हो ।
नेपालको पर्यटन विकासबारे अध्ययन गरेका विद्यार्थीलाई भरतीय इतिहासबारे सबै प्रश्न सोधेको छ ।
नेपालको पर्यटन इतिहास पढेका विदँर्थीलाई भारतीय इतिहासको प्रश्नपत्र सोधेपछि परीक्षार्थीहरू ३० मिनेट अन्योलमा परेको गुनासो गरेका छन् ।
७० पूर्णाकको प्रश्नमा समूह ए मा ३० नम्बरको तीन प्रश्न र समूह बी मा ४० नम्बरको चारवटा प्रश्न सोधिएको थियो। ती सबै प्रश्न भारतीय इतिहासबारे सोधिएको विद्यार्थीहरू बताउँछन् ।
मानविकी संकाय डिन कार्यालयका अनुसार पर्यटन विकासमा नेपालको पर्यटनकै बारेमा पढाइ हुन्छ । विद्यार्थीलाई सोहि विषयसँग सम्बन्धित प्रश्न सोधिनुपर्नेमा भारतीय इतिहासको प्रश्न सोधिनु परीक्षा नियन्त्रण कार्यालयको गैरजिम्मेबारीपन भएको डिन कार्यालयका एक अधिकारी बताउँछन् ।
अनलाइनबाट कपिपेष्ट गर्ने परम्परा नरोकिएसम्म यो समस्या नसुल्जिने त्रिविका पदाधिकारीहरू बताउँछन् ।
परीक्षा नियन्त्रण कार्यालयले गत असार २८ गते दिल्ली विश्वविद्यालयले सोधेको प्रश्न नै सोधेको डिन कार्यालयका एक पदाधिकारीले बताए ।
त्रिविले विभिन्न २९ वटा ऐच्छिक विषयको पठनपाठन गराउँदै आएको छ। इतिहासमा भारीतय, अमेरिका, युरोपलगायत थुप्रै देशका पढाइ हुने गरेको छ । सोमबार भएको परीक्षा मानवीय त्रुटि वस अर्को प्रश्नपत्र वितरण भएको परीक्षा नियन्त्रक जोशी बताउँछन् ।
परीक्षा सञ्चालन भएको ३० मिनेट पछि पुन पर्यटन विषयकै प्रश्नपत्र विद्यार्थीलाई वितरण गरिएको जोशीको दाबी छ । History ४१०, ( Elective 2), Introduction to Tourism Development विषयको प्रश्नपत्र पाठ्यक्रम भन्दा बाहिर रहेर निर्माण गरिएको अर्थात Indian प्रश्नपत्रको हुबहु प्रतिलिपि सोधिएको कुरा पत्ता लागे पश्चात् विद्यार्थीलाई १ घण्टा भित्र अर्को प्रश्नपत्र निर्माण गरी परीक्षा लिएको विद्यार्थीहरू बताउँछन् ।
पर्यटन विकास विषयमा का १ हजार २ सय विद्यार्थी अध्यनरत छन् ।
