रामपुर नगरपालिका–४, बाङ्गेपसलका स्वर्गीय झमन थापाको स्मृतिमा चार शैक्षिक संस्थामा अक्षयकोष स्थापना गरिएको छ ।
रामपुरका रामतुलसी नमूना मावि, सीताराम मावि, कालिका मावि र सहिद बहुमुखी क्याम्पसमा रु पाँच लाख ५५ हजार ५५५ को अक्षयकोष स्थापना गरिएको हो ।
रामतुलसी नमूना माविमा रु दुई लाख २२ हजार २२२, सहिद बहुमुखी क्याम्पसमा रु एक लाख ११ हजार एक सय ११, सीताराम माविमा रु एक लाख ११ हजार १११ र कालिका माविमा रु एक लाख ११ हजार १११ को अक्षयकोष स्थापना गरिएको हो ।
गत असोज २४ गते २६ वर्षको उमेरमा हृदयाघातका कारण झमनको निधन भएको हो । उनका बुबा नरबहादुर र आमा यमकुमारी थापाले आफ्नो एकमात्र सन्तानले अध्ययन गरेको शैक्षिक संस्था तथा अन्य विद्यालयमा अक्षयकोष स्थापना गरेका हुन् ।
