मेडिकल सिटीका रुपमा परिचय बन्दै गएको भरतपुरमा शिक्षक अस्पताल बन्ने भएपछि देशै भरका शिक्षक उत्साहित भएको पाइएको छ । साथै स्थानीयहरु पनि केन्द्रीय स्तरको अस्पताल बन्ने भएपछि त्साहित भएका छन् ।
शिक्षक अस्पतालले सेवासँगै यहाँको विकास, रोजगारी सिर्जना गर्ने भन्दै उनीहरु उत्साहित भएका हुन् । दुई ठूला सरकारी अस्पताल, दुई वटा मेडिकल कलेज र २० भन्दा बढी साना ठूला निजी अस्पताल रहेको भरतपुरमा शिक्षक अस्पताल स्थापनासँगै स्वास्थ्य क्षेत्रको थप विकास हुने स्थानीयको विश्वास छ ।
सरकारलाई भरतपुर महानगरपालिका–१५ भगवानपुरमा भएको महानगरको जग्गा शिक्षक अस्पताललाई प्रदान गर्ने महानगरको निर्णय र मन्त्री परिषद्को स्वीकृति संगै अस्पताल बनाउने सैद्धान्तिक सहमति भइसकेको छ ।
शिक्षा मन्त्रालयले शिक्षक अस्पताल बनाउन सम्भाव्यता अध्ययन र जग्गा पहिचान समिति गठन गरेसँगै यहाँ अस्पताल बनाउन भरतपुर महानगरपालिकाले पहल थालेको थियो ।
महानगरपालिकाका प्रमुख रेनु दाहालले सो ठाउँमा ८ बिघा १६ कठ्ठा जग्गा उपलब्ध गराएको जानकारी िदिइन् ।महानगरपालिकाको प्रयास सफल भएको भन्दै उनले यस क्षेत्रको विकासमा यो कदमले महत्वपूर्ण भूमिका खेल्ने धारणा व्यक्त गरिन् । प्रमुख दाहालले भनिन्, ‘अस्पताल बनेसँगै स्थानीयवासीको जीवनस्तर उकासिने छ । रोजगारी सिर्जना हुने, व्यापार व्यवसाय फस्टाउने र स्थानीय उत्पादन खपत हुनेछ ।’ यसले मेडिकल सिटीका रुपमा अघि बढेको भरतपुरको विकासमा थप टेवा पुग्ने उनको विश्वासभनाइ छ ।
राससका अनुसार, शिक्षक सहति आम नागरिकले सहज रुपमा स्वास्थ्य सेवा प्रदान गर्न उन यो अस्पताल सहयोगी बन्ने उनको विश्वास छ ।
नेपाली कांग्रेस चितवनका सचिव उत्तम जोशीले शिक्षक आन्दोलनले स्थापित गरेको शिक्षक अस्पताल चितवनमा बन्ने निर्णयले यहाँको समग्र विकास हुने बताए । शिक्षकको छुट्टै अस्पताल हुँदै गर्दा यसबाट आम नेपालीले लाभ लिनसक्ने उनको भनाइ छ । उनले भने, ‘चितवनलाई मेडिकल हबको रुपमा विकास गर्न सहयोग पुग्छ ।’ नेकपा (एमाले० का नेता रामप्रसाद न्यौपानेले भरतपुरलाई साच्चिकै मेडिकल सिटीको रुपमा विकास गर्न अस्पताल सहयोगी हुने बताए यो । उनले भने, “कार्यान्वयन कसरी हुन्छ, त्यो हेर्न बाँकी नै छ ।” माओवादी केन्द्र चितवनका अध्यक्ष यमबहादुर परियारले महानगरको पहलमा जुन उपलब्धि जिल्लाले पायो यो सबैका लागि गौरवको विषय भएको बताए । उनले भने, “अन्य क्षेत्रको विकाससँगै स्वास्थ्य सेवाको विकासमा यसले थप ऊर्जा भरेको छ ।”
भरतपुर अस्पताल विकास समितिका अध्यक्ष डा भोजराज अधिकारीले शिक्षक केन्द्रीय अस्पताललाई मेडिकल कलेजको रुपमा विकास गर्नुपर्ने बताए । स्वास्थ्य शिक्षा पढ्ने विद्यार्थीले सहज र सर्वसुलभ रुपमा उपयोग गर्न पाउनेछने उनको विश्वास छ ।
चितवन मेडिकल कलेजका अध्यक्ष एवं प्रबन्ध निर्देशक प्राडा हरिश्चन्द्र न्यौपानेले देशभरिबाट शिक्षक यहाँ उपचार गर्न आउँदा थप सुविधाका लागि मेडिकल कलेज उपयोग गर्न पाउने बताए
नेपालमा स्थायी शिक्षक एक लाख सात हजार, राहत ४० हजार, पाठ शिक्षक ४० हजार, विद्यालय कर्मचारी ३६ हजार, निजी स्कुलका शिक्षक एक लाख ५० हजार र पूर्व शिक्षक ३० हजार रहेका छन् । यस अस्पतालले सर्वसाधारणको पनि उपचार गर्ने छ । अस्पताल बन्दै गर्दा कार्यविधि बन्ने र शिक्षक कर्मचारीले पाउने सुविधाको बारेमा निर्णय हुन बाँकी नै छ ।
