सरकारले गुणस्तरीय र जिवनोपयोगी शिक्षाको अवसर सुनिश्चित गरी उत्पादनमूलक नागरिक तयार गर्न आधारभूत तथा माध्यामिक शिक्षाको गुणस्तर अभिवृद्धि गर्दै माध्यामिक तहमा प्राविधिक तथा व्यावसायिक शिक्षालाई जोड दिने भएको छ ।
संघीय संसद्को बजेट अधिवेशन सुरु भएसंगै अर्थ मन्त्री युवराज खतिवडाले प्रस्तुत गरेको विनियोजन विधेयक, २०७७ मा समायोजन गरिने आयोजना र कार्यक्रमको प्राथमिकता उक्त कुरा उल्लेख गरिएको छ ।सो विधेयकमा सबै नागरिकलाई साक्षर बनाउने अभियानलाई प्राथमिकता दिइने उल्लेख गरिएको छ ।
गतवर्षको बजेटमा कुल बजेटको करिब १० प्रतिशत बजेट छुट्याएको सरकारले यो वर्ष शिक्षामा बजेटलाई प्राथमिकतामा राखेको जनाएको छ ।
आधारभूत तथा माध्यामिक शिक्षाको गुणस्तर अभिवृद्धि गर्दै माध्यामिक तहमा प्राविधिक तथा व्यावसायिक शिक्षालाई जोड दिइने
के के परे प्राथमिकतामा ?
–सबै नागरिकलाई साक्षर बनाउने अभियानलाई प्राथमिकता दिइनेछ ।
–गुणस्तरीय र जिवनोपयोगी शिक्षाको अवसर सुनिश्चित गरी उत्पादनमुलक नागरिक तयार गरिने छ ।
–आधारभुूत तथा माध्यामिक शिक्षाको गुणस्तर अभिवृद्धि गर्दै माध्यामिक तहमा प्राविधिक तथा व्यावसायिक शिक्षालाई जोड दिइने छ । –उच्च शिक्षाको गुणस्तर बनाईने छ ।
