स्थानीय र प्रदेश सरकारको शिक्षाको विनियोजित बजेट विवरण साउन तीन गतेभित्र पठाउन शिक्षा तथा मानव स्रोत विकास केन्द्रले निर्देशन दिएको छ ।
चालु आर्थिक वर्ष र आगामी आर्थिक वर्षको बजेट एकीकृत गर्नका लागि आफनै मातहतका सबै निकायलाई निर्देशन दिएको छ ।
सरकारले आगामी आवको शिक्षा क्षेत्रको बजेट र चालु आर्थिक वर्षको बजेट एकीकृत गर्न प्रदेश तथा स्थानीय सरकारबाट आगामी आव २०७९–८० का लागि विनियोजित बजेटको विवरण माग गरेको हो ।
केन्द्रले प्रदेश तहमा शिक्षा हेर्ने सबै मन्त्रालय, (सामाजिक विकास शिक्षा मन्त्रालय), र ७५३ ओटै स्थानीय तहलाई साउन ३ गते भित्र विवरण पठाउन निर्देशन दिएको छ ।
