राष्ट्रिय परीक्षा बोर्डका परीक्षा नियन्त्रक कृष्णप्रसाद शर्माले आगामी असार महिनाभित्र कक्षा ११ को परीक्षा सम्पन्न गरिसक्न विद्यालयहरूलाई परिपत्र गरिने जानकारी दिए ।
कक्षा ११ को परीक्षा विद्यालयले नै सञ्चालन गर्नुपर्ने प्रावधान बनाइएको छ । विद्यालय आफैँले प्रश्नपत्र तयारीदेखि नतिजा प्रकाशन गर्नुपर्ने हुन्छ । विद्यालयले मार्क लेजर बोर्डको सम्बन्धित जिल्ला वा प्रदेशस्तरीय कार्यालयमा बुझाउनुपर्ने हुन्छ । कक्षा ११ मा न्यूनतम ३५ प्रतिशत अर्थात् विषयगत रूपमा डीप्लस ल्याएको हुनुपर्छ । सोभन्दा कम प्राप्त गर्नेले कक्षा १२ को परीक्षामा सम्मिलित नगराउने व्यवस्था छ ।
यसैबीच बोर्डले कक्षा १० मा विज्ञान, गणित र अङ्ग्रेजी विषयको स्तरीकृत परीक्षा सञ्चालन गरेको छ ।
देशका ४२ विद्यालयका पाँच हजार विद्यार्थीमा यस्तो परीक्षा सञ्चालन गरिएको छ । यस्तो परीक्षा पहिलोपटक सञ्चालन गरिएको हो र यस वर्षको एसईईमा सहभागी हुने विद्यार्थीहरूलाई नै स्तरीकृत परीक्षामा सम्मिलित गराइएको थियो ।
बोर्डका अध्यक्ष डा. महाश्रम शर्माले एसईईको प्रश्नपत्र सुधार गर्न र समानस्तरको प्रश्नपत्र तयार गरी परीक्षा सञ्चालन गर्ने उद्देश्यले यसखाले परीक्षा सञ्चालन गरिएको जानकारी दिए ।
“यस परीक्षाका आधारमा कक्षाकोठामा अध्यापनमा सुधार र परिवर्तन ल्याउनुपर्छ” उनले भने, “यसैका आधारमा आगामी वर्षबाट एसईईको प्रश्नपत्रमा सुधार गरिनेछ ।”
स्तरीकृत परीक्षाका लागि ३० हजार शिक्षकलाई सहभागी गराएर प्रश्नपत्र तयार गरिएको बोर्डले जानकारी दिएको छ । शिक्षकबाट अनलाइन र भौतिक उपस्थितिका आधारमा प्रश्न सङ्कलन गरिएको थियो ।
बोर्डका अध्यक्ष डा. शर्माले कक्षा ८ को पनि नमुना प्रश्न बनाइएको बताए । उनले देशका ७५३ पालिकाका शिक्षा अधिकारीलाई तालिम दिने र तिनै अधिकारीमार्फत शिक्षकलाई तालिम दिने योजना तयार गरिरहेको बताए ।
पाँच रुपियाँ लिएर तरकारी बजारमा जानुभयो भने कति थरिका कति परिणाममा तरकारी किन्न सक्नुहुन्छ ? अब त पाँच रुपियाँमा एक मुठा हरियो धनियाँ पनि हात पर्दैन ।
सुन्दा पत्यार नलाग्न सक्छ काठमाडौँको तीनधारा पाकशालामा बस्ने विद्यार्थीलाई राज्यले तरकारी खान दैनिक पाँच रुपियाँ उपलब्ध गराउँदै आएको छ ।
आवासीय रूपमा त्यहाँ बस्ने संस्कृतका विद्यार्थीलाई खान्कीका रूपमा पाँच रुपियाँको तरकारीबाहेक दाल, भात र दैनिक एक तोला घ्यू उपलब्ध गराउने गरिएको छ । नेपाल संस्कृत विश्वविद्यालयले ठेकेदारमार्फत दाल र चामल पाकशालालाई उपलब्ध गराउँछ । तरकारी र घ्यूवापतको रकम पाकशालालाई सिधै उपलब्ध गराउने गरिएको छ ।
शिक्षा तथा मानव स्रोत विकास केन्द्रले समायोजित विद्यालयका कर्मचारीलाई समायोजन भएको विद्यालयमा विद्यार्थी संख्या र आवश्यकता अनुरुप समायोजन गर्न शिक्षा विकास तथा समन्वय इकाईलाई निर्देशन दिएको छ ।
केन्द्रले दिएको निर्देशनमा समायोजित विद्यालयमा विद्यालय कर्मचारीको आवश्यकता नहुने भए सम्बन्धित स्थानीय तहले आफ्नो क्षेत्रभित्रको अन्य आवश्यक विद्यालयमा पठाउन निर्देशन दिएको हो ।
उच्च शिक्षालय तथा माध्यमिक विद्यालय संघ नेपाल (हिसान) को आठौं राष्ट्रिय महाधिवेशन आज देखि सुरु भएको छ ।
महाधिवेशनमा ‘नेपालमा शिक्षाको सबलीकरण र निजी क्षेत्रको योगदानको विषयमा हिसान शिक्षा बहस’ का लागि आधा दर्जन भन्दा बढी कार्यपत्र प्रस्तुत गरी त्यसमा छलफल हुने भएको छ ।
कार्यालय सहयोगी डोमा शेर्पाले आफूलाई लामो समयसम्म तलव नदिएको आरोप लगाउँदै ओखलढुङ्गा, खिजीदेम्बा गाउँपालिकास्थित जनज्योति आधारभूत विद्यालयका प्रधानाध्यापक र व्यवस्थापनविरुद्ध उजुरी गरेकी छिन् ।
आफूलाई चार वर्षसम्म तलब नदिएर श्रम शोषण गर्ने प्रधानाध्यापक र विद्यालय व्यवस्थापनविरुद्ध उनले जिल्ला प्रशासन कार्यालयमा उजुरी गरेकी हुन् ।
पछिल्लो तीन वर्षमा विदेश अध्ययन गर्न जाने विद्यार्थीसंगै नेपाली मुद्रा ७३ अर्ब ३७ करोड रुपियाँ विदेशिएको छ ।
नेपाल राष्ट्र बैङ्कको तथ्याङ्क अनुासर चालु आर्थिक वर्षको शिक्षातर्फको व्यय २२ अर्ब ६० करोड रुपियाँ रहेको छ । आर्थिक वर्ष २०७६-७७ मा विदेशमा अध्ययन गर्न जानेहरुबाट २५ अर्ब ८१ करोड, २०७७-७८ मा पनि २४ अर्ब ९६ करोड र चालु आर्थिक वर्षमा २२ अर्ब ६० करोड रुपियाँ विदेशिएको छ । पछिल्लो तीन वर्षमा वैदेशिक अध्ययनका लागि ७३ अर्ब ३७ करोड रुपियाँ विदेशिको हो ।
त्रिभुवन विश्वविद्यालय सेवा आयोगले विभिन्न पदमा दर्खास्त आह्वान गरेको छ। आयोगले आज गोरखापत्रमा सूचना प्रकाशन गरी दर्खास्त आह्वान गरेको हो।
आयोगले विश्वविद्यालयका विभिन्न निकायहरुका लागि मुख्य प्रशिक्षक, वरिष्ठ प्रशिक्षक, प्रशिक्षक र उप( प्रशिक्षक पदको लागि दर्खास्त आह्वान गरेको छ। उक्त पदमा आयोगले आन्तरिक प्रतियोगिताद्वारा पदपूर्ति गर्नका लागि विज्ञापन गरेको जनाएको छ।
