प्राविधिक शिक्षा तथा व्यावसायिक तालीम परिषद् (सीटीईभीटी) परीक्षा नियन्त्रण कार्यालयले शैक्षिक सत्र २०८०–०८१ का लागि प्रवेश परीक्ष्ाँका लागि आवेदन माग गरेको छ ।
प्रि डिप्लोमा र डिप्लोमा तथा प्रमाणपत्र तहको स्वीकृत कार्यक्रम र कोटाहरूमा पूर्ण शुल्कीय र वर्गीकृत (निःशुल्क) छात्रवृत्तितर्फ प्रवेश परीक्षाका लागि आवेदन माग गरेको हो ।
सीटीईभीटबाट सञ्चालन गरिने उक्त कार्यक्रममा अध्ययनका लागि साउन १२ गते भित्र आवेदन दिनुपर्ने सूचना जारी गरेको छ ।
सीटीईभीटीबाट सञ्चालन सम्बन्धन–स्वीकृति पाएका आङ्गिक, साझेदार, सामुदायिक विद्यालयमा प्राविधिक शिक्षा र निजी स्तरमा सञ्चालित शिक्षालयहरूले परिषद् परीक्षा नियन्त्रण कार्यालयद्वारा जारी गरिएको प्रि–डिप्लोमा र डिप्लोमा तथा प्रमाणपत्र तहको प्रवेश परीक्षा सञ्चालन, छात्रवृत्ति वितरण तथा भर्ना सम्बन्धी निर्देशिकाहरू २०८० बमोजिम पूर्ण शुल्कीय तर्फका शिक्षालयका स्वीकृत कार्यक्रम र ्र कोटाहरूमा विद्यार्थी छनोट गर्न आवेदन माग गरेको हो ।
एसईई, एसएलसी, प्रि–डिप्लोमा, प्राविधिक एसएलसी उत्तीर्ण भएका विद्यार्थीहरूले पेस गरेका शैक्षिक योग्यता बापत प्रदान गरिने अङ्क र प्रवेश परीक्षामा प्राप्त गरेको अङ्कको योगफल अनुसार कार्यक्रम र ्र कोटाहरूमा योग्यता क्रमानुसार छनोट हुने सूचनामा उल्लेख गरेको छ । विस्तृत विवरण प्रिडिप्लोमा र डिप्लोमा तथा प्रमाणपत्र तहको प्रवेश परीक्षा सञ्चालन, छात्रवृत्ति वितरण तथा भर्ना सम्बन्धी निर्देशिकाहरू २०८० मा उल्लेख गरिएको छ दा
प्रि डिप्लोमा र डिप्लोमा तथा प्रमाणपत्र तहको वर्गीकृत ( निःशुल्क) छात्रवृत्ति सम्बन्धी विस्तृत सूचना असार ३० गते प्रकाशित गरिने सीटीईभीटीले जानकारी दियो ।
वर्गीकृत (निःशुल्क) छात्रवृत्तिका लागि आवेदन साउन ४ गतेदेखि १२ गतेसम्म अनलाइनमा दिन सकिने सूचनामा उल्लेख छ ।
