![केन्द्रले सार्वजनिक गर्यो अवधारणा](https://media.edusanjal.com/__sized__/news_headers/Center-for-Education-and-HR-Development-thumbnail-1000x525-70_q3YwRSu-crop-c0-5__0-5-300x180-70.jpg)
राष्ट्रिय परीक्षा बोर्डले माध्यमिक शिक्षा परीक्षा (एसइई)को क्यालेन्डर निर्धारण गर्ने निर्णय गरेको छ । बोर्डको आज बसेको बैठकले यस्तो निर्णय गरेको हो ।
परीक्षा नियन्त्रण कार्यालय कक्षा १० ले अबदेखि हरेक वर्ष चैत ७ गतेदेखि एसइई सञ्चालन गर्ने र नतिजा पनि असार ७ गते नै सार्वजनिक गर्ने प्रस्ताव बोर्डबैठकमा पेस गरेको थियो ।
रापबोर्डका उच्च सूत्रले दिएको जानकारीअनुसार बैठकले गते नै तोक्नु उपयुक्त नहुने भन्दै साता तोक्नु पर्ने निर्णय गरेको छ ।
सूत्रका अनुसार अबदेखि हरेक चैतको पहिलो साताबाट एसइई सञ्चालन हुनेछ भने असारको पहिलो सातामा नतिजा सार्वजनिक गर्ने निर्णय भएको छ ।
यसैबीच २०८० सालको एसइईको नतिजा आगामी असारको दोस्रो सातामा सार्वजनिक हुने भएको छ ।
पनिकाका अनुसार अहिले नतिजा प्रशोधनसम्बन्धी कार्य धमाधम भइरहेको छ ।