२०८१ सालको माध्यमिक शिक्षा परीक्षा (एसइई) आगामी चैत ७ गतेदेखि सुरु हुँदैछ ।
राष्ट्रिय परीक्षा बोर्ड, परीक्षा नियन्त्रण कार्यालय, कक्षा १० ले आज सूचना प्रकाशित गरी परीक्षा तालिका सार्वजनिक गरेको हो ।
परीक्षा तालिकाअनुसार परीक्षा चैत १९ गतेसम्म सञ्चालन हुनेछ ।
पहिलो दिन अनिवार्य अंग्रेजी विषयको परीक्षा सञ्चालन हुनेछ । संस्कृततर्फ अनिवार्य संस्कृत रचना वा अंग्रेजी र मदरसातर्फ अनिवार्य अरेविक भाषा वा अंग्रेजी परीक्षा हुनेछ । परीक्षा तालिकामा पहिलोपटक मदरसाको पनि उल्लेख गरिएको छ । यसअघि साधारणधार वा संस्कृततर्फको मात्र उल्लेख गरिन्थ्यो ।
अनिवार्य गणित, अनिवार्य विज्ञान तथा प्रविधि विषयलाई एक एक दिन समय दिइएको छ ।
