त्रिभुवन विश्वविद्यालय (त्रि वि) परीक्षा नियन्त्रण कार्यालयले सबै विद्यार्थीहरूलाई शैक्षिक सेवाका लागि विश्वविद्यालयको आधिकारिक डिजिटल पोर्टल प्रयोग गर्न अनिवार्य गरेको सम्बन्धमा अत्यन्त जरुरी सूचना जारी गरेको छ।
सूचनाअनुसार, त्रि वि परीक्षा नियन्त्रण कार्यालय, बल्खुद्वारा सञ्चालनमा रहेको STUDENT PORTAL (student.exam.tu.edu.np) मार्फत ट्रान्सक्रिप्ट, दर्ता तथा अन्य आवश्यक सेवाका लागि विद्यार्थीहरूले आफैं अनलाइन फाराम भर्नुपर्नेछ।
पोर्टलमार्फत उपलब्ध सेवाहरू यसप्रकार छन्:
-
विद्यार्थी दर्ता (Student Registration): प्रारम्भिक आईडी सम्बन्धित क्याम्पसबाट जारी गरिनेछ।
-
ट्रान्सक्रिप्ट तथा प्रोभिजनल प्रमाणपत्र: सबै अंकपत्र (marksheets) र दर्ता कार्डको डिजिटल प्रति (PDF) अपलोड गर्नुपर्नेछ।
-
रिटोटलिङ (Retotaling) निवेदन: नतिजा प्रकाशित भएको १५ दिनभित्र आवेदन दिनुपर्नेछ।
-
परीक्षा फाराम: २०२३ (२०८० बी.एस.) र त्यसपछिको दर्ता भएका सबै विद्यार्थीहरूका लागि लागू हुनेछ।
-
दीक्षान्त समारोह (Convocation) आवेदन: Convocation Services बाट लगइन गरी आवेदन दिनुपर्नेछ।
विद्यार्थीहरूले आफैं अनलाइन फाराम भर्दा हुने फाइदाहरू:
-
कुनै लाइनमा बस्नुपर्ने झन्झट बिना जहाँबाट पनि फाराम भर्न सकिने।
-
दर्ता आफैं गर्दा नाम, ठेगाना तथा जन्ममितिजस्ता विवरणमा त्रुटि नहुने।
-
आफैं दर्ता गरेमा एउटै प्रयोगकर्ता आईडी भविष्यमा परीक्षा फाराम, रिटोटलिङ, ट्रान्सक्रिप्ट/प्रोभिजनल प्रमाणपत्र, दीक्षान्त समारोह तथा अन्य सेवामा प्रयोग गर्न सकिने।
-
परीक्षा वा रिटोटलिङ फाराम आफैं भर्दा गलत विषय छनोट हुने सम्भावना कम हुने।
-
ट्रान्सक्रिप्ट र प्रोभिजनल प्रमाणपत्रका लागि एकैपटक आवेदन दिन सकिने।
परीक्षा नियन्त्रण कार्यालयले सबै विद्यार्थीहरूलाई अनलाइन प्रणाली प्रयोग गर्न आग्रह गरेको छ।
