नेपाल शिक्षक महासङ्घले अध्यक्ष कमला तुलाधर, महासचिव लक्ष्मीकिशोर सुवेदी, सहअध्यक्ष पूर्ण प्रसाद दवाडीसहित १५ सदस्यीय वार्ता टोलीको नामावलीशिक्षा विज्ञान तथा प्रविधि मन्त्रालय पठाएको छ ।
मन्त्रालयबाट शिक्षा मन्त्रीको नेतृत्वमा वार्ता गरी शिक्षकहरुका समस्या समाधान गर्न ९ सदस्यीय वार्ता टोली पठाउन पत्राचार गरेपनि महासङ्घले १५ सदस्यीय जम्बु टोलीको नामावली पठाएको हो ।
वार्ता टोलीमा शिक्षकका पेसागत संघ संगठनका पदाधिकारी रहेको महासङघले जानकारी दियो । महासङघका अनुसार वार्ता टोलीमा नेपाल शिक्षक महासङ्घका कोषाध्यक्ष,मोहन राज जोशी, महासङ्घका उपाध्यक्षहरु तिलक कुँवर, हेमचन्द्र महतो, टिका देवी राई र लालबाबु यादव रहेका छन् । त्यसैगरी टिका देवी राई ,नेपाल राष्ट्रिय शिक्षक संगठनका अध्यक्ष,लक्ष्मण शर्मा, एकीकृत अखिल नेपाल शिक्षक संगठन काअध्यक्ष, शंकर अधिकारी, – अखिल नेपाल शिक्षक संगठन अध्यक्ष,घनश्याम पाठक, अखिल नेपाल शिक्षक संघका अध्यक्ष सानुभई कार्की, नेपाल विद्यालय कर्मचारी परिषद्का अध्यक्ष दोला राज शर्मा, संस्थागत विद्यालय शिक्षक युनियनका अध्यक्ष, होमकुमार थापा, र नेपाल शिक्षक सङ्घ अध्यक्ष, राजेन्द्र राज पौडेल रहेका छन् ।
महासङ्घले नामावली मन्त्रालयमा पठाइसकिएको र मंसिर मसान्त भित्र निष्कर्ष निकाल्ने महासङ्घले अपेक्षा गरेको छ । महासङ्घले सरकारबाट वार्तालाई वेवास्ता गर्ने, विगत जस्तै ढिलासुस्ती गर्ने र टालटुले व्यावहार प्रदर्शित गर्ने जस्ता कार्य भए वार्ता छोडेर पुनः आन्दोलनमा जाने चेतावनी सहित वार्ता गएको अध्यक्ष तुलाधरले जानकारी दिइन् ।
महासङघले गत वैशाख देखि ३४ सुत्रीय मागसहित विभिन्न चरणको आन्दोलन गर्दै आएको थियो । कार्तिक १७ गते विज्ञप्ति जारी गर्दे पाँचौ चरणको आन्दोलन अन्तर्गत कार्तिक २८ गतेबाट काठमाडौं केन्द्रित निर्णायक आन्दोलन गर्ने उद्घोष गरेको थियो । तर, मन्त्रालयबाट वार्ताको लागि आव्हान भएपछि आन्दोलन स्थगित गरेको थियो ।
