विपी कोइराला स्वास्थ्य विज्ञान प्रतिष्ठान, धरानको १३ औं दीक्षान्त समारोह आज सम्पन्न भएको छ । समारोह आठ वर्ष पछि आज सम्पन्न भएको हो । सो समारोहमा प्रतिष्ठानका ६५७ विद्यार्थी दीक्षित भएका छन् ।
दीक्षान्त समारोहमार्फत आज प्रधानमन्त्री तथा कुलपति केपी शर्मा ओलीले विद्यार्थीहरूलाई दीक्षित गरेका हुन् ।
समारोहम प्रतिष्ठानका सन् २०१० देखि २०१७ ब्याचका एमबीबीएस, बिडिएस, एमडी, एमएस, एमडिएस, डिएम, एमसिएच बिएससी नर्सिङ र २०१२ देखि २०१८ सम्मका एएससी नर्सिङ, बिएमएलटी, बिएमआइटी, एपिएस र पिएचडी उपाधि हासिल गरिसकेका विद्यार्थीहरू रहेका छन् ।
सो दीक्षान्त समारोहमा भारतका शिक्षाविद् प्रा डा ज्योतिर्मोय पलँ प्रमुख अतिथि रहेको कार्यक्रममा सहकुलपति एवं स्वास्थ्य तथा जनसंख्यामन्त्री प्रदीप पौडेललगायतको सहभागिता रहेको थियो ।
कार्यक्रममा प्रतिष्ठानले प्रदान गर्दै आएको विभिन्न पुरस्कार उत्कृष्ट विद्यार्थीहरूलाई वितरण गरिएको छ । प्रतिष्ठानबाट हालसम्म एमबीबीएसमा २४ ब्याच र बीडिएसमा १८ व्याचका विद्यार्थी उत्पादन गरिसकेको छ ।
