![१६ वर्षदेखि साक्षरता अभियान- ४ प्रदेश, १३ जिल्ला, र १५३ स्थानीय तह साक्षर हुन बाँकी](https://media.edusanjal.com/__sized__/news_headers/0da7e1c6-375f-4275-87b4-9c1604a5495b_y8KnNvq-thumbnail-1000x525-70-crop-c0-5__0-5-300x180-70.jpg)
राष्ट्रिय परीक्षा बोर्डले गत असार १३ गते सार्वजनिक गरेको माध्यमिक शिक्षा परीक्षा (एसईई) २०८० को नतिजा सार्वजनिक गरेको नतिजाको अहिले पुनर्योग (रिटोटलिङ)को नतिजा सार्वजनिक गरिरहेको छ । जसअनुसार एनजी (ननग्रेडेड) आएका पाँच जना विद्यार्थीको पुनर्योगपछि ४ जीपीए आएको छ । अहिलेसम्म बोर्डले ४ हजार २९७ जनाको पुनर्योगको नतिजा सार्वजनिक गर्दा ५९ जना विद्यार्थीको जीपीए ४.० आएको छ । भने २८२ जना विद्यार्थीको नतिजा परिवर्तन भएको छ ।
सिम्बल नम्बर ०२९११९२३ अल्फावेट ए भएका विद्यार्थीको पुरानो जीपीए २.८ भएकोमा रिटोटलिङ गर्दा ४.० जीपीए आएको छ । त्यसैगरी ०२८०२८९८ टी अल्फावेट भएका विद्यार्थीको पूर्व जीपीए २.८ भएकोमा पुनर्योग गर्दा जीपए ४ आएको छ । जीपीए ४ आउनेमा अधिकांश विद्यार्थी पहिलो २.८ जीपीए आएका रहेका छन् ।
एसईईको नतिजा सार्वजनिक भएपछि पुनर्योगका लागि दिएको आवेदनका आधारमा बोर्डले अहिले नतिजा सार्वजनिक गरिरहेको छ ।
राष्ट्रिय परीक्षा बोर्ड परीक्षा नियन्त्रण कार्यालयका अनुसार धेरै अङ्क इन्ट्री गर्दा, नम्बर जोड्दा र केही टाइप गलत अङ्क गर्दा नतिजा फरक पर्न गएको हो ।
अनलाइनबाट पुनर्योगका लागि आवेदन खुला गरिएपछि देशभरबाट १९ हजार ६००ले आवेदन दिएको बोर्डका परीक्षा नियन्त्रक नन्दलाल पौडेलले जानकारी दिए ।
सो परीक्षामा १८६ जनाले जीपीए ४ ल्याएका थिए । भने ४७.८६ प्रतिशत विद्यार्थी पास भए भने ५१.१४ प्रतिशत विद्यार्थी ननग्रेडेडमा परेका थिए । परीक्षामा सहभागी भएका ४ लाख ६४ हजार ७८५ जना विद्यार्थी मध्ये २ लाख ४२ हजार ९२ जना विद्यार्थी पास भएका थिए । परीक्षामा २२१ जना विद्यार्थीको परीक्षा रद्द गरिएको थियो ।
सो परीक्षामा ननग्रेड आएका सबै विद्यार्थीको पुरक परीक्षा बोर्डले साउन २३ गते देखि ३१ गतेसम्म सार्वजनिक गर्ने गरी परीक्षा तालिका सार्वजनिक गरेको छ ।