शिक्षा सम्बन्धी कानूनलाई संशोधन र एकीकरण गर्न बनेको विधेयक २०८० माथि सांसद तथा सरोकारवालाले संशोधन प्रस्ताव दर्ता गराएका छन् । विधेयक २०८० माथि १५४ वटा संशोधन प्रस्ताव दर्ता भएका छन् । संशोधनका लागि अन्तिम दिन आज ४ बजेसम्म १७१ जना सांसदले संशोधन दर्ता गरेका छन् ।
नेपाल शिक्षक महासङ्घ र विभिन्न समूहका शिक्षक तथा विद्यालय कर्मचारीहरूको अनुरोधमा सांसदहरूले संसद सचिवालयमा संशोधन प्रस्ताव दर्ता गराएका छन् भने सरोकारवाला तथा शिक्षाविद्हरूले पनि विधेयक संशोनका लागि सुझाव पेश गरेका छन् ।
शिक्षाविद्हरू प्रा. केदारभक्त माथेमा, प्राडा विद्यानाथ कोइराला, प्राडा मन प्रसाद वाग्ले, प्राडा मिन बहादुर बिष्ट, प्राडा विनय कुसियत, डा. ब्रजेश पन्त र टीका भट्टराईले सुझाव पेश गरेका छन् ।
विद्यालय शिक्षामा हाम्रा सैद्धान्तिक तथा व्यावहारिक अडानहरू, सङ्घीय तशक्षा विधेयकका मूल सवालहरू,आर्थिक पक्षमा केही दृतष्टीकोणहरू र संघीय शिक्षामा मुख्य दफावार संशोेधन प्रस्ताव पेस गरेका छन् ।
त्यसैगरी नेपाल शिक्षक महासङ्घका महासचिव लक्ष्मीकिशोर सुवेदीका अनुसार महासङ्घले तयार गरेको ६१ बुँदे संशोधन प्रस्ताव जस्ताको तस्तै राखी संसद सचिवालयमा सांसदहरूले संशोधन दर्ता गराएको बताएका छन् ।
