सुदूरपश्चिम विश्वविद्यालयले विभिन्न सङ्कायहरूमा डिन पदका आवेदन माग गरेको छ ।
मानविकी तथा सामाजिक शास्त्र सङ्काय,कानून सङ्काय र प्राकृतिक स्रोत व्यवस्थापन सङ्कायको डिन बन्न योग्य उम्मेदवारहरूले १५ दिनभित्र विधिवत आवेदन दिन माग गरिएको हो । सुदूरपश्चिम विश्वविद्यालय ऐन २०६७ को दफा २६, सङ्गठन र शैक्षिक प्रशासन नियमावली २०६९ को परिच्छेद–२६ को नियम १५३ र सुदूरपश्चिम विश्वविद्यालय पदाधिकारी छनोटका आधार, मापदण्ड र सिफारिस सम्बन्धी कार्यविधि, २०८१ को परिच्छेद–४ को दफा (७) बमोजिम सुदूरपश्चिम विश्वविद्यालय अन्तर्गत रिक्त पदमा विज्ञापन गरेको छ ।
आवश्यक कागजात सहित र सोको हार्डकपी समेत तोकिएको निर्धारित समयमा सुदूरपश्चिम विश्वविद्यालय सामान्य प्रशासन महाशाखामा पेस गर्न सूचना जारी गरिएको हो ।
