कृषि तथा वन विज्ञान विश्वविद्यालयले मंसिर २९ देखि पुस ३ गतेसम्म दोश्रो कृषि प्रदर्शनी तथा कृषक मेला–२०८१ को आयोजना गर्ने भएको छ ।
मेला आयोजक समितिले नारा एवं लोगो तयार गर्न विद्यार्थीविच प्रतियोगिता आयोजना गर्ने भएको छ । लोगो एवं नारा तयारीका लागि विश्वविद्यालयले कार्तिक १३ गते सम्मको मिति तय गरेको छ ।
निर्धारित समयमा विश्वविद्यालय अन्तर्गत विभिन्न तहमा अध्ययन गरिरहेका विद्यार्थीहरुविच प्रतियोगिता आयोजना गरि छनोट गर्ने भएको हुँनाले आवेदन माग गरेको छ ।
विश्वविद्यालयमा अध्ययनरत विद्यार्थीहरुले लोगो र नारामा कृषि विश्वविद्यालय, कृषि शिक्षा, उधमशिलता, कृषिको रुपान्तरण लगायतको कुराहरु झल्किने गरीको तयार गर्नुपर्ने छ ।
एक विद्यार्थीले एउटा मात्र नारा वा लोगो पठाउन सक्ने सूचनामा उल्लेख छ ।
छनोट हुने लोगो एवं नारा पठाउने विद्यार्थीलाई पुरस्कार स्वरूप जनही रु पाँच हजार प्रदान गरिने सूच्नामा भनिएको छ ।
