मेरीटको आधारमा भारतीय दुतावासले प्रदान गर्ने सतप्रतिशत छात्रवृतिको बारेमा कृष्णा फाउन्डेसनले विद्यार्थीलाई आवश्यक परामर्श तथा सुझाब दिँदै आएको छ । फाउन्डेसनले भारतका उत्कृष्ट विश्वविद्यालय, कलेज र इष्टीच्यूट छान्न विशेष परामर्श दिँदै आएको हो ।
संस्थाका प्रतिनिधि आफै गएर सम्बन्धित शिक्षण संस्थाको पूर्वाधार, शिक्षाको गुणस्तर, अन्तर्राष्ट्रिय विद्यार्थीहरूको अनुभव र छात्रवृतिका बारेमा जानकारी प्राप्त गरी बिध्यार्थी र अभिभावकहरूलाई सत्य तथ्य जानकारी गराउदै आएको सस्थाका डाइरेक्टर सन्तोष कुमार चौधरीले जानकारी दिए ।
शैक्षिक सत्र २०२१-२२ को लागि भर्ना प्रक्रिया अगाडि बढाउने समयमा फाउन्डेसनले यो स्कलरसिप इन इन्डियन युनिभर्सिटीज् प्रेस मिट एण्ड इन्फर्मेसन सेसनको आयोजना गरेको हो।
भारतीय दुतावास काठमाडौं ले प्रतेक बर्ष मेधावी र मेहनती विद्यार्थीलाई मेरीटको आधारमा सतप्रतिशत छात्रवृतिमा अन्डरग्याजुएट प्रोग्राम बीई इन्जिनियरिङ, फार्मेसी, एग्रिकल्चर, फुड टेक्नोलोजी, र बिएससी नर्सिङका लागि आवेदन माग गरेको छ ।
