प्रिन्सिपल्स एशोसियशन अफ नेपाल (पान) ले लामो समयसम्म शिक्षा क्षेत्रमा अतुलनीय योगदान पुयाएका उत्कृष्ट पालिका, विद्यालय र प्रधानाध्यापकहरूलाई सम्मान गरेको छ ।
पानको आजदेखि सुरु भएको (२६, २७ र २८ गते) राष्ट्रिय सम्मेलनको अवसरमा विभिन्न सूचकका आधारमा मूल्याङ्कन गरी सम्मान गरेको हो ।
पुरस्कृत गर्न गठित मूल्याङ्कन समितिले मूल्याङ्कन गरी सातै ओटा प्रदेशबाट सात पालिका, सात विद्यालय र सात जना प्रधानाध्यापकलाई पुरस्कृत गरेको छ ।
कोशी प्रदेश
पानले कोशी प्रदेशबाट उत्कृष्ट पालिका (स्थानिय तह) तर्फ सूर्योदय नगरपालिका इलाम, उत्कृष्ट विद्यालयमा सुकुना मावि सुन्दर हरैचा, मोरङ र उत्कृष्ट प्रधानाध्यापकतर्फ कुवेर प्रसाद भेटवाल श्री मनकामना रत्न अम्विका मावि। संखुवासभालार्ए पुरस्कृत गरेको छ ।
मधेस प्रदेश
मधेस प्रदेश बाट उत्कृष्ट पालिका (स्थानिय तह) तर्फ कोहलवी नगरपालिका बारा, उत्कृष्ट विद्यालयतर्फ जनता मावि गौरीडाँडा, बर्दिबास र उत्कृष्ट प्रधानाध्यापकतर्फ विनोद मेहता, शारदा मावि , सुगौली, पर्सालाई सम्मान गरेको छ ।
बागमती प्रदेश
बागमती प्रदेशबाट उत्कृष्ट पालिका (स्थानिीय तह) तर्फ काठमाडौं महानगरपालिका, उत्कृष्ट विद्यालयतर्फ नारायणी मावि चितवन र उत्कृष्ट प्रधानाध्यापकतर्फ प्रदिप पराजुली, जनक मावि काभ्रेपलाञ्चोकलाई सम्मान गरेको छ ।
गण्डकी प्रदेश
गण्डकी प्रदेशबाट उत्कृष्ट पालिका (स्थानीय तह) तर्फ मध्यविन्दु नगरपालिका नवलपरासी पूर्व , उत्कृष्ट विद्यालयतर्फ विन्ध्यवासिनी मावि, बाटुलेचौर, कास्की र उत्कृष्ट प्रधानाध्यापक तर्फ लेख बहादुर हमाल, प्रकाश मावि, बेनी, कास्कीलाई सम्मान गरेको छ ।
लुम्बिनी प्रदेश
लुम्बिनी प्रदेशबाट उत्कृष्ट पालिका (स्थानीय तह) मा ठाकुरबाबा नगरपालिका, बर्दिया, उत्कृष्ट विद्यालय तर्फ कालिका मानवज्ञान मावि, रुपन्देही र उत्कृष्ट प्रधानाध्यापक तर्फ भागवत पौडेल, सेन्टर मावि, तुल्सिपुरलाई सम्मान गरेको छ ।
कर्णाली प्रदेश
कर्णाली प्रदेश बाट उत्कृष्ट पालिका (स्थानीय तह) चौरजहारी नगरपालिका, रुकुम पश्चिम, उत्कृष्ट विद्यालय तर्फ चन्दननाथ नमुना मावि।, खलङ्गा, जुम्ला र उत्कृष्ट प्रधानाध्यापकमा याम बहादुर श्रेष्ठ, जन नमुना मा।वि।, बिरेन्द्रनगर (६, सुर्खेत लाई सम्मान गरेको छ ।
सुदुर पश्चिम प्रदेश
सुदुर पश्चिम प्रदेशकबाट उत्कृष्ट पालिका (स्थानीय तह) धनगढी उप महानगरपालिका, कैलाली, उत्कृष्ट विद्यालय तर्फ महेन्द्र नमुना मावि दार्चला र उत्कृष्ट प्रधानाध्यापक तर्फ (शुभराज उपाध्याय, मालिका नमुना मावि, बाजुरालाई सम्मान गरेको छ ।
उत्कृष्ट पालिका (स्थानीय तह) छनौटका आधारहरु
१. शिक्षा क्षेत्रमा गरेको लगानी –३०
२. निःशुल्क र समावेशी शिक्षाको पहल – १०
३. दीर्घकालीन योजना –१०
४. असल अभ्यास– २०
५. प्राविधिक धार सञ्चालन –१०
६. स्थानिय पाठ्यक्रम– सूचना तथा प्रविधि – १०
७ सुशासन– १० गरी जम्मा सयअंकका आधारमा मूल्याङकन गरेको थियो
उत्कृष्ट विद्यालय छनौटका आधार
१. भौतिक पूर्वाधार– २०
२ सरसफाई हरियाली विद्यालय वातावरण – २०
३. कक्षा ८ र माध्यमिक शिक्षा परीक्षा (एसईई) नतिजा – २०
४. जनविश्वास –विद्यार्थी आकर्षण– १०
५.. विद्यार्थी संङ्ख्या – १०
६. असल अभ्यास – १०
७. सह अतिरिक्त क्रियाकलाप – १० अङ्क प्रदान गरी मूल्याङ्कन गरिएको थियो ।
उत्कृष्ट प्रधानाध्यापक छनौटका आधारहरु
१. नेतृत्व दक्षता ( २०
२. असल अभ्यास ( २०
३. विद्यालय वातावरण ( १५
४. गुणस्तर विकास र सुधार –१५
५ समुदाय सहयोग परिचालन – १०
६. सुशासन– १०
७. सूचना प्रविधि दक्षता– १० गरी अङ्क प्रदान गरी मूल्याङ्कन गरिएको थियो ।
