ईश्वरराज ढकालको नेतृत्वमा शिक्षा पत्रकार सञ्जाल, नेपाल (इजोन)को नयाँ कार्यसमिति गठन भएको छ । इजोनको १५ औं साधारणसभा तथा नवौं अधिवेशनले ढकालको नेतृत्वमा नौ सदस्यीय नयाँ कार्यसमिति गठन गरेको हो ।
उपाध्यक्षमा द राइजिङ नेपालकी मन्जिमा ढकाल, महासचिवमा रेडियो कान्तिपुरकी पार्वता चौधरी, कोषाध्यक्षमा अनलाइखबरका दिनेश गौतम, सचिवमा नुनुता राई चयन भएका छन् । त्यस्तै सदस्यमा रुपेश आचार्य, प्रशान्त ओली, रेडियो कान्तिपुरकी सुनिता लोहनी र शिलापत्रका दिपेन्द्र अधिकारी चयन भएका छन् ।
नेपाल समाचारपत्र दैनिकमा कार्यरत नवनिर्वाचित अध्यक्ष ढकालले शिक्षा क्षेत्रमा भएका बेथितिलाई कलमको माध्यमले उजागर गर्ने बताए । यस्तै शिक्षाका बाहिर आउन नसकेका विषयवस्तुलाई कलमको सहायताले उजागर गर्ने प्रतिबद्धता व्यक्त गरे ।
निवर्तमान अध्यक्ष नेपाल टेलिभिजनका रविचन्द्र पराजुलीले शिक्षा क्षेत्रका बेथितिलाई पत्रकारले अझै चिर्न नसकेको बताए । इजोनका सल्लाहकार प्रकृति अधिकारीले पछिल्लो समय शिक्षा क्षेत्रका निकायले पत्रकारलाई औपचारिक रुपमा सूचना नदिने प्रवृत्ति रहेको बताए ।
