काठमाडौं विश्वविद्यालयबाट यो वर्ष २ हजार ६८० जना विद्यार्थी दीक्षित भएका छन् । विश्वविद्यालयले हालै प्रधानमन्त्रीको सचिवालयबाट सञ्चालन गरेको २६ औं दीक्षान्त समारोहमा सबै विद्यार्थीलाई दीक्षित गरेको हो ।दीक्षित हुनेमा मा विश्वविद्यालय मातहतका सबै स्कूल तथा कलेजका विद्यार्थी रहेको विश्वविद्यालयले जानकारी दियो । सो दीक्षान्त समारोहमा दीक्षित हुनेमा पीएचडी का १५ जना, ४२ जना एमफिल, स्नातकोत्तरका ३८२ र स्नातक तहका २ हजार २४१ विद्यार्थी थिए ।
भौतिक उपस्थिति तथा भर्चुअल रुपमा आयोजना गरिएको समारोहमा पीएचडी का १३ जना विद्यार्थी र २ जना स्वर्ण पदक विजेता विद्यार्थीलाई कार्यक्रम स्थलबाटै पदक वितरण गरिएको थियो ।
अन्य विद्यार्थीहरु विश्वविद्यालयका प्राध्यापकहरू, कर्मचारी र अन्य आमन्त्रितहरूले जुम वेबिनारबाट सो कार्यक्रममा भाग लिएको विश्वविद्यालयले जानाकरी दियो ।
